Az 1863-as kalocsai egyháztartományi zsinat iratai és határozatai

Index

— 205 — affectus dispositi ad sacram Synaxin quotannis crebrius accedant. Hoc perinde fine commendandus est frequentior indulgentiarum usus; de mysterio Eucharistiae Sacramenti, et de S. Communionis saluberrimis fructibus saepe sermo habeatur. Praeeant in Communione exemplo patres- ac matres-familias, doceatur fidelis populus quomodo praeparatio rite sit instituenda, suggerantur libri, qui devotam communicandi rationem suadent, item preces, quae congruos affectus ante et post Communionem continent. Caput XI. De proveliendo cultu Sanctissimi Sacramenti. Magna Jesu Salvatoris in nos charitas est, quod in Eucharistiae Sacramento ipsum Jesum Christum habeamus semper praesentem, ut illum adorare et ab illo gratias impetrare possimus. Quare moneantur fideles, ut Ecclesiam et tabernaculum velut habitaculum et thronum Summi Regis respiciant, Christum in altaris Sacramento praesentem in Ecclesiam ingressi profunda genuflexione adorent, sub Missae Sacrificio vitent omnem inconvenientiam, cultui divino decenter adstent, et transeuntes coram Ecclesia Christum in Eucharistiae Sacramento praesentem congrue venerentur. Commendat Synodus laudabilem multarum dioecesium praxim, vi cujus SS. Eucharistiae Sacramentum totius anni decursu in parochialibus et aliis Ecclesiis successive se excipientibus quovis die pro adoratione fidelium exponitur. Sicubi in dioecesibus adoratio quadraginta horarum dominica Quinquagesimae et duabus subsequis feriis adusque obtinet, porro quoque servetur. Pia praxis, vi cujus in certis locis statuto tempore post Missae Sacrificium et in pomeridianis devotionibus exponitur