Az 1863-as kalocsai egyháztartományi zsinat iratai és határozatai

Index

— 183 — Quapropter animarum Pastores sollicite curent, ut huic gravissimo malo efficacia opponant média, et si radicitus evelli non possit, saltem in dies minuere assidua virium contentione satagant; signanter vero in catecheticis instructionibus atque sacris sermonibus saepius proponant foeditatem blasphemiae, ejus perniciosos fontes, gravitatem illatae per eam Deo injuriae et funesta blasphemiae consectaria. Monendi sunt jam parvuli in catecheticis institutionibus, ut ab omni liujus enormis peccati specie solerter caveant, blasphema verba si quae audierint exhorreant. Cumprimis vero patresac matres-familias hortamur in Domino, ut suis prolibus ac famulis optimo exemplo praeeaut, blasphemandi proterviam in suis domesticis nullo modo tolerent, omnesque famulos blasphemiae deditos nec emendari volentes e suo servitio dimittant, ne propter discolos servos benedictio Dei a tota ipsorum familia avertatur. Curandum insuper erit, ut piae Confraternitates, imprimis illa, quae speciatim ad exstirpandam blasphemiam in dioecesi Lingonensi coalescens a Summo Pontifice approbata est, ad sufferendam infelicium blasphemandi consuetudinem adhibeantur. Meminerint denique cuncti, quibus ligandi et solvendi potestas a Domino concessa est, iis qui in graviora blasphemiae peccata iterato relapsi sunt, quin se emendare serio studuissent, absolutionem sacramentalem eousque differendam esse, donec emendatio subsecuta fuerit. Verbo adhibenda sunt omnia salutaria média, ut tandem exterminetur de christiana gente hoc pessimum scelus, quod tam multorum gravissimorum publicorum aeque ac privatorum malorum fontem constituit.