Az 1863-as kalocsai egyháztartományi zsinat iratai és határozatai

Index

— 154 — simili negligentia contumaciter permanserit : legitima monitione praecedente, beneficio ipso privetur, quum propter officium detur beneficium. Intelligitur autem ofíicium omittere quoad hoc, ut beneficio privari possit : qui per quindecim dies illud bis saltem non dixerit, Deo tamen ultra praemissa de dicta omissione redditurus rationem" 1). Stringit vero restitutio indebite perceptorum beneficialium proventuum in conscientia et ante sententiam deciaratoriam Judicis, neque suppleri potest per quascunque eleemosynas, quas antea beneficiarius de fructibus sui beneficii fecerit. Sententias contrarias damnavit Alexander VII. die 12-a Septembris 1665-0. Quem enim deceat magis esse virum orationis, quam qui pro universo terrarum orbe legátus intercedit apud Deum, ut inter vestibulum et altare oret et ploret pro suis et populi peccatis? Jungant sensum verbis, affectum sensui, exultationem affectui; non enim soli sunt, sed omnis Ecclesia cum illis in commune orat, et vocem conjungit ad Angelorum, Deum incessabili voce laudantium, opus et coelestis hymnodiae praeludium in terris peragendum. Nemo autem sibi persuadeat, quod in conscientia sua eoipso sit absolutus a persolutione hujus officii, quia se quaepiam argumenta offerunt, quae legitimae dispensationis speciem exhibent. Dispensatio, virtute cujus ab hujus officii persolutione quispiam permanenter relaxari possit, a Sede Romana petenda est, nec conceditur nisi quum validissima rationum momenta suppetunt. Concursus vero consuetorum vitae pastoralis laborum dispensationis causam minimé constituit, alioquin quando pastorales labores increscunt, tunc etiam ferventioribus precibus, nam et majori egemus gratia, exemplum suggerente Domino, qui diurnis laboribus fessus noctis partém in nostram institutionem ad orandum converterat. ') Concil. Lat. V. Sess. IX. — Pius V. Constitutione : ,Quod a nobis/ item Constitutione : ,Ex proximo Lateranensi' data 20. Sept. 1571.