Az 1863-as kalocsai egyháztartományi zsinat iratai és határozatai

Index

— 142 — lionore praeveniant, cum aestimatione de se invicem loquantur, in adversis sibi mutuo solatio esse studeant, mutuos defectus patienter ferant, coram aliis excusent, et ubi fieri potest silentio tegant, solliciti ser var e unitatem spiritus in vinculo pacis, omnem dissensionem ut pestem fugiant ac praeveniant Hospitalitatem sincera charitate exerceant vei maximé erga pauperes et muneris socios. Temperantia in cibo et potu Sacerdotem distinguere debet, nam intemperantia incontinentiae fomes et maximum officiorum impedimentum est. Si accideret, ut Sacerdotibus ad animum relaxandum concurrentibus compotationes, et lusus in mediam noctem protraherentur, pessimum et prorsus intolerabile scandalum esset 2). Modestia clericalis productionibus scenicis interesse vetat. Comoediis, aliisque profanis spectaculis non intererunt Sacerdotes, ne aures et oculi sacris officiis addicti ludicris, impuris actionibus sermonibusque distracti polluantur 3). Choreas frequentare Canones sacri prohibent. Quapropter ecclesiastici viri choreis interesse caveant, et si unquam contingeret, ut eorum quemdam in choreis saltare non puderet, poenis condignis coerceatur. Sacerdotes talem animi relaxationem adhibeant, quae eorum Ordini convenit

4). Generatim e lusibus nimio ardore peractis plurima et lugenda oriri solent mala, scilicet mentis avocatio, devotionis imminutio, notabilis perditio temporis atque pecuniae pauperibus erogandae jactura, jurgiorum occasio, populi scandalum, gr a vis officiorum quorumlibet neglectus

5). Sacerdotes in diversoriis, tabernis, aut aliis hujusmodi locis cibum vei potum non sumant, praeterquam in itinere necessitatis causa

6). Armorum gestatio et clamorosae venationes omnino prohibentur 7). ') Synod. Mechlin. 1852. in 18. Congr. XI. — 2) Decr. Conc. Prov. Vienn. Tit. V. Cap. VII. —

3) Concil. Prov. Mediol. — ") Decr. Concil. Prov. Vienn. Tit. V. Cap. VII. — 5) Concil. Albiense 1850. Tit. II. Decr. V. - 6) Concil. Auscit. 1851. Tit. IV. Cap. I. — 7) Concil. Mediol. 1643.