Kalocsai Főegyházmegyei Körlevelek, 1946

Index

— 1 — LITTERAE CIRCULARES AD VENERABILEM CLERUM ARCHIDIOECESIS COLOCENSIS ET BACSIENSIS ANNO 1946. DATAE. I. Nr. 1

00. Vota Archiepiscopi in capite novi anni. In limine anni nascentis, cujus ortu amici et cognati fausta quaeque sibi invicem adprecari solent, et Nos officii nostri pastoralis esse novimus, vos fratres venerabiles et fideles dilecti, paterne alloqui, atque ad vos directionis necnon aedificationis et consolatíonis causa pauca verba dirigere. In conspectu tot ac tantarum calamitatum, quas incipiente novo anno perdurare videmus, praeprimis grates referre debemus divinae Bonitati, quod Nos inter tot discrímina rerum incolumes servavit, nobisque pepercit, neque, prout alios quam plurimos, ad suum tribunal arcessivit ad reddendam rationem de cunctis debitis, quae e fragilitate humana per totum vitae decursum contraximus. Nóvum igitur annum cum serio emendationis vitae proposito incipiamus oportet, ne in vetera vitia ac scelera relapsi iterum nova debita pontrahamus, neve a divina Justitia repudiati in tenebras exteriores ejiciamur. Bellum horrendum, quod cardines universi fere orbis ultra quinque integros annos cum jactura vitae ac bonorum omnis generis tam vehementer quassaverat, finitum quidem conscípimus, attamen dolores, aerumnas, incertitudinem ordinis publici, porro graves in re politica et oeconomica mutationes etiam hodie perdurare crebris cum suspiriis experimur, timendumque nobis est, ne in crastinum majora adhuc mala patiamur. Statum ecclesiae oeconomicum in regno nostro in fundamento tangit decretum gubernii de distributione agrorum mense Martio a. 1945. editum, vi cujus episcopi, ordines religiosi caeterique possessores etiam laici, inter eos etiam ecclesiarum patroni bonis suis maxima ex parte se abdicare debuerunt. Statutum quidem est princípium, quod possessores antiqui per determinatam pecuniae copiam indemnes servari debeant, attamen ob incertum solutionis tempus, necnon ob exiguam pecuniae solvendae summám, onus sustentandi aedificia ecclesiastica, seminaria clericorum, et instituta catholica omnis generis in futuro magna ex parte fidelibus incumbet, ad quam obligationem ipsi prudentia pastorali jam nunc apte praeparandi erunt. Praxim aliquot mensium prae oculis habentes, cum paterno cordis gaudio enuntiare possumus, fideles nostros sollerti cura pastorum suorum edoctos, istius suaé obligationis bene conscios esse, atque v, g, in sustentationem seminariorum, in iis praesertim parochiis, ubi pastores animarum id debito modo publicarunt, cum adiutorio piarum sodalitatum largam alimentorum copiam contulisse. Quo factum est, ut, non obstante defectu rerum materialium, quae adusque dominium archiepiscopale aut possessio seminarii annue suppeditare solebat, índigentiae seminariorum pro anno scholari labenti pia fidelium munificentia sufíicienter provisum sit. Paterne monemus et hortamur tamen cunctos pastores animarum, ut fideles suos ad illud officium apte praeparent etiam pro futuro, ne primo fervore tepescente inopinatae difficultates oriantur. Studeant igitur parochi aptum modum invenire, fortasse aliquam piam sodalitatem ad illud munus praeparando et instruendo, ut sodales ipsis in collectione suo tempore instituenda aptum auxilium praebeant. In defectu enim congruentis organi, zelosi pastores debitum quidem adimplebunt, caeteri autem deficient, et onus collectionis aliis diligentibus ob suam negligentiam imponent, qua quidem agendi ratione a nobis minimé adprobanda, debita seminariorum provisio in grave discrimen vocaretur. Quoad aedificia vero sustentanda, si ecclesiae aut instituta catholica bona immobilia non possident, neque aliunde subsidium congruum speratur, non remanet aliud, nisi, ut tributum per communitates catholicas exigatur, prout hoc in casibus similibus etiam hucusque fieri solebat. Id revera aequm et justuni erit, eo vei magis, quod bona ecclesiafi in distributione agrorum iis praesertim fidelibus obvene-