Kalocsai Főegyházmegyei Körlevelek, 1925

Tárgymutató

— 33 — FŐEGYHÁZMEGYEI HlUflTALOS KÖZLEMÉNYEK 12. szám. Nr. 3554. Litterae apostolicae, quibus ecclesiis Colocensi et Bacsiensi de novo Anlistite providetur. Pius Episcopus Servus Servorum Dei, Venerabili Fratri .Tulio Zichy, hactenus Episcopo Quinqueecclesiensi in Archiepiscopum Colocensem et Bacsiensem Electo, Salutem et Apostolicam benedictionem. Commissum humilitati Nostrae ab aeterno Pastorum Principe officium regendi, pascendi et gubernandi universalem Ecclesiam onus Nobis imponit diligentissime curandi, ut Ecclesiis omnibus tales constituantur Praesules, qui gregem dominicum salubriter pascere et sciant et valeant. Cum itaque Metropolitana Ecclesia Colocensis, cuius ultimus Archiepiscopus extitit b. m. Leopoldus Árpád Várady, per ipsius obitum in praesens vacans existat: Nos Intendentes tam eidem Colocensi Ecclesiae, quam eius gregi dominico salubriter providere Te, hactenus Episcopum Quinqueecclesiensem, Apostoiicae potestatis pleniludine a vinculo absolventes, quo Cathedrali Ecclesiae Quinqueecclesiensi teneris, de Venerabilium Fratrum Nostrorum S R. E. Cardinalium consilio, ad dictam vacantein Metropolitanam Ecclesiam Colocensem Apostolica auctoritate transferimus, eique in Archiepiscopum praefecimus et Pastorem, necnon curam, régimén et administrationem ipsius Ecclesiae Colocensis Tibi in spiritualibus et temporalibus plenarie committimus, cum omnibus juribus, privilegiis, oneribus et obligationibus pastorali huic officio inhaerentibus. Volumus autem, ut, etiam ceteris impletis de jure servandis, antequam in regimine et administratione praefatae Ecclesiae Colocensis Te quomodocumque immisceas in manibus cuiuscumque, quem malueris, Catholici Antistitis, gratiam et communionem Sedis Apostoiicae habentis, fidei Catholicae professionem emittere et sueta iuramenta praestare, iuxta formulas praesentibus Litteris adnexas et illas, vei earum exemplaria, tui dictique Antistitis subscriptione ac sigillo munita ad Cancellariam Apostolicam infra sex menses transmittere omnino tenearis. Ad hoc Antistiti a te electo professionem et iuramenta praefata, Nostro et Romanae Ecclesiae nomine recipiendi munus ac mandatum per praesentes committimus. Dátum Romae apud S. Petrum anno Domini millesimo nongentesimo vigesimo quinto, die quinta mensis Septembris Pontificatus Nostri anno quarto P. P Petrus Cardinalis Gasparri m p. a Secretis Status, Dominicus Forio Prot Ap. Vincentius Bianchi-Caglieri, Prot Apóst. Paulus Perusti Cancellariae Apóst. Adj. a studiis. Expedita die nona mensis Octobris anno quarto. Alfridus Marini Plumbator. L S. Coloczae, die 30. Oct. 1925 Pius Episcopus, Servus Servorum Dei, dilectis filiis Capitulo Metropolitanae Ecclesiae, Clero et Populo civitatis et dioecesis Colocensis et Bacsiensis, salutem et Apostolicam benedictionem. Hodie Nos Venerabilem Fratrem Juüum Zichy, hactenus Episcopum Quinqueecclesiensem, a vinculo, quo Ecclesiae Quinqueecclesiensi tenebatur, absolventes, de Venerabilium Fratrum Nostrorum S R E. Cardinalium consilio ad Metropolitanam Ecclesiam Vestram Colocensem pastore destitutam, Apostolica auctoritate transtulimus, ipsumque illi in Archiepiscopum praefecimus et pastorem. Quocirca Vos omnes hortamur et obligatione adstringimus ut dictum Julium Antistitem, tamquam patrem et pastorem animarum Vestrarum devote recipientes et debita honorificentia prosequentes, salubribus illius monitis et mandatis debitam praestetis obedientiam et reverentiam, ita ut ipse in Vobis devotionis filios et vos in eo patrem benevolum invenisse gaudeatis. Volumus autem et mandamus, ut cura et officio Ordinarii, qui modo Archidioecesim Vestram regit, hae Litterae Nostrae publice perlegantur, tum in Capitulari conventu, qui prima vice post has Litteras acceptas habebitur ; tum in ipsa Metropolitana Ecclesia ab ambone, quum primus advenerit dies festus a populo de praecepto recolendus. Dátum Romae apud S. Petrum anno Domini millesimo nongentesimo vigesimo quinto, die quinta mensis Septembris, Pontificatus Nostri anno quarto. P P. Petrus Cardinalis Gasparri m. p. a Secretis Status. Dominicus Forio Prot. Ap. Vincentius Bianchi-Caglieri Prot. Apóst. Paulus Perusti Cancellariae Apóst. Adj. a studiisAlfridus Marini Plumbator. L S. Coloczae, die 30. Oct. 1925 Nr. 3555. Litterae apostoiicae ad capitulum, clerum et populum, quibus translatio novi Antistitis significatur.