Kalocsai Főegyházmegyei Körlevelek, 1910

Index

— 31 -VI. Nr. 1297. DECRETUM De relationibus Dioecesanis et visitatione SS. Liminum. Servandum ab omnibus locorum Ordinariis qui 5. Congregationi de Propaganda Fide subjecti non sunt. A remotissima Ecclesiae aetate repetenda lex et consuetudo est, qua singuli Episcopi, statis temporibus, Urbem petant, ut sanctorum apostolorum Petri et Pauli limina venerentur, suaeque statum dioecesis exponant Apostolicae Sedi: cujus rei iilustria monumenta veteres Ecclesiae annales suppeditant. Ejuamodi autem facti ratio in ipsa Ecclesiae natura et constitutione nititur, atque a sacro Petri primatu necessario fluit cui christiani gregis universi commissa custodia est, per divina illa praecipientis Domini verba: pasce agnos, pnsce oves. In utroque autem munere, quum visitationis sacrorum Liminum, turn relationis de statu dioecesis, debitae Petro ejusque successori submissionis et reverentiae continetur officium. Verum, quamvis unum et alterum hujus legis caput tot antea saeculis viguerit, serius tamen hac de re certior invecta est disciplina. Est enim Xysto V. tribuendum, quod is, Constitutione edita die 20. mensis decembris 1585., cui initium Romanus Pontifex, congrua ratione determinaverit, quibus temporibus et qua lege visitanda sacra Limina essent et reddenda ratio summo Pontifici de pastoralis officii, implemento a Patriarchis, Primatibus, Archiepiscopis et Episcopis: quibus etiam prospexerunt encyclicae litterae sacrae Congregationis Concilii, datae die 16. mensis novembris 1673. Abbatibus autem nullius dioecesis cautum est per Constitutionem Benedicti XIV., datam die 23. mensis novembris 1740., que incipit Quod sanda. Haec obtinuit ad nostros usque dies disciplina. Verum, effectis hodie multo facilioribus ac tutioribus dioeceses inter et Sanctam Sedem commerciis, jam praesentis aevi conditionibus haud respondere visa sunt ea, quae in memoratis Constitutionibus decreta fuerunt circa visitationes ad sacra Limina ac dioecesum relationes ad Apostolicam Sedem. Re mature agitata in coetu Em-orum Virorum Ponrificio Juri in unura corpus redigendo praepositorum, conclusa ab iisdem SS.mi D. N. Pii Papae X. jussu, ad hanc S. Congregationem Consistorialem delata sunt, eidemque commisum judicium utrum et quomodo ejus coetus consilia publici juris fieri atque in usum dcduci possent, etiam ante promulgandum ipsum Codicem. Nunc vero, omnibus diligenter perpensis, iisque inhaerens quae a memorato coetu PP. Cardinalium deliberata sunt S. Congregatio Consistorialis, de mandato SS.mi Domini nostri, Eoque adprobante, decernit quae sequuntur: CAN. I. — Abrogata lege temporum, quibus hactenus visitanda fuerunt sacra Limina et relatio Sanctae Sedi exhibenda de statu dioecesis, omnes locorum Ordinarii, quibus dioecesani regiminis onus incumbit obligatione tenentur referendi singulis quinquenniis ad Summum Pontificem de statu sibi comissae dioecesis ad normám canonum infra positorum et novi Ordinis praesenti decreto adjecti. CAN. II. — §. 1. Quinquennia sunt fixa et communia, incipientque a die 1 mensis januarii anno 1911. §. 2. In primo quinquennii anno relationem exhibebunt Ordinarii Italiae, et insularum Corsicae, Sardiniae, Siciliae, Melitae, aliarumque minorum adjacentium. LITT. CIRC. 1910. 18