Kalocsai Főegyházmegyei Körlevelek, 1910

Index

— 146 -quem sibi quisque in docendo proposuerit, vei tractandas quaestiones, sive theses; deinde ut per annum ipsum exploretur sua cujusque magisterii ratio; quae si videatur a sana doctrina discedere, causa erit quamobrem doctor illico amoveatur. Denique, ut praeter fidei professionem, jusjurandum det Antistiti suo secundum adjectam infra formulám, et subscripto nomine. Jusjurandum hoc, praemissa Fidei proíessione per íormulam a sa. me. Decessore Nostro Pio IV. praescriptam, cum adjectis definitionibus Concilii Vaticani, suo antistiti item dabunt: I. Clerici majoribus ordinibus initiandi; quorum singulis antea tradatur exemplar tum professionis fidei, tum formuláé edendi jurisjurandi ut eas accurate praenoscant, adjecta violati jurisjurandi, ut infra, sanctione. II. Sacerdotes confessionibus excipiendis destinati et sacri concionatores, antequam facultate donentur ea munia exercendi. III. Parochi, Canonici, Beneficiarii ante ineundam beneficii possessionem. IV. Officiales in curiis episcopalibus et ecclesiasticis tribunalibus, haud exceptis Vicario generáli et judicibus. V. Adlecti concionibus habendis per quadragesimae tempus. VI. Officiales omnes in Romanis Congregationibus vei tribunalibus coram Cardinali Praefecto vei Secretario ejusdem sive Congregationis sive tribunalis. VII. Religiosarum familiarum Congregationumque Moderatores et Doctores antequam ineant officium. Professionis fidei, quam diximus, editique jurisjurandi documenta, peculiaribus in tabulis penes Curias episcopales adserventur, itemque penes Romanarum Congregationum sua quaeque officia. Si quis autem, quod Deus avertat, jusjurandum violare ausus fuerit, ad Sancti Officii tribunal illico deferatur. JURISJURANDI FORMULA. „Ego . . . firmiter amplector ac recipio omnia et singula, quae ab inerranti Ecclesiae magisterio definita, adserta ac declarata sunt, praesertim ea doctrinae capita, quae hujus temporis erroribus directo adversantur. Ac primum quidem Deum, rerum omnium princípium et finern, naturali rationis lumine per ea quae facta sunt, hoc est per visibilia creationis opera, tamquam causam per effectus, certo cognosci, adeoque demonstrari etiam posse, profiteor. Secundo, externa revelationis argumenta, hoc est facta divina, in primisque miracula et prophetias admitto et agnosco tamquam signa certissima divinitus ortae christianae Religionis, eademque teneo aetatum omnium atque hominum, etiam hujus temporis, intelligentiae esse maximé accommodata. Tertio: Firma pariter fide credo, Ecclesiam, verbi revelati custodem et magistram, per ipsum verum atque historicum Christum, quum apud nos degeret, proxime ac directo institutam, eandemque super Petrum, apostolicae hierarchiae principem ejusque in aevum successores aedificatam. Quarto: Fidei doctrinam ab Apostolis per orthodoxos Patres eodem sensu eademque semper sententia ad nos usque transmissam, sincere recipio, ideoque prorsus rejicio haereticum commentum evolutionis dogmatum, ab uno in alium sensum transeuntium, diversum ab eo, quem prius habuit Ecclesia; pariterque damno errorem omnem, quo, divino deposito, Christi Sponsae tradito ab Eaque fideliter custodiendo, sufticitur philosophicum inventum, vei creatio humanae conscientiae, hominum conatu sensim efformatae et in posterum indefinito progressu perficiendae. Quinto: certissime teneo ac sincere profiteor, Fidem non esse coecum sensum religionis e latebris subconscientiae erumpentem, sub pressione cordis et inflexionis voluntatis moraliter informatae, sed verum assensum intellectus veritati extrin-