Kalocsai Főegyházmegyei Körlevelek, 1908

Index

— 148 — nibus circa matrimonium ad Congregationem de disciplina Sacramentorum remissis, hoc tribunal pro foro interno gratias largitur, absolutiones, dispensationes, commutationes, sanationes, condonationes; excutit praeterea quaestiones conscientiae, easque dirimit. 2-o. Sacra Romana Rota, Quum Sacrae Romanae Rotae tribunal, anteactis temporibus omni laude cumulatum, hoc aevo variis de causis judicare ferme destiterit, factum est ut Sacrae Congregationes forensibus contentionibus nimium gravarentur. Huic incommodo ut occurratur, iis inhaerentes, quae a Decessoribus Nostris Xysto V., Innocentio XII., et Pio VI. sancita fuerunt, non solum jubemus „per Sacras Congregationes non amplius recipi nec agnosci causas contentiosas, tam civiles quam criminales, ordinem judiciarium cum processu et probationibus requirentes" (Litt. Secretariae Stati , XVII. Április MDCCXXVIII.); sed praeterea decernimus, ut causae omnes contentiosae non majores, quae in Romana Curia aguntur, in posterum devolvantur ad Sacrae Romanae Rotae tribunal, quod hisce litteris rursus in exercitium revocamus juxta Legem propriam, quam in appendice praesentis Constitutionis ponimus, salvo tamen jure Sacrarum Congregationum, prout superius praescriptum est. 3-o. 5ignatura Apostolica, Item supremum Signaturae Apostolicae tribunal restituendum censemus, et praesentibus litteris restituimus, seu melius instituimus, juxta modum qui in memorata Lege determinatur, antiqua ordinatione tribunalium Signaturae papalis gratiae et justitiae suppressa. III. OFFICIA. 1-o, Cancellaria Apostolica. 1. Huic officio praesidet unus ex S. R. E. Cardinalibus, qui posthac Cancellarii, non autem Vice-Cancellarii nomen assumet. Ipse juxta pervetustam consuetudinem in sacris Consistoriis, ex officio, notarii munere fungitur. 2. Ad Cancellariae officium in posterum hoc unum tamquam proprium reservatur munus, Apostolicas expedire litteras sub plumbo circa beneficiorum consistorialium provisionem, circa novarum dioecesium et capitulorum institutionem, et pro aliis raajoribus Ecclesiae negotiis conficiendis. 3. Unus erit earum expediendarum modus, hoc est per viam Cancellariae, juxta normám seorsim dandam, sublatis iis módis qui dicuntur per viam secretam, de Camera et de Curia. 4. Expedientur memoratae litterae seu bullae de mandato Congregationis Consistorialis circa negotia ad ejus jurisdictionem spectantia, aut de mandato Summi Pontificis circa alia negotia, servatis ad unguem in singulis casibus ipsius mandati terminis. 5. Suppresso collegio Praelatorum, qui dicuntur Abbreviatores majoris vei minoris residentiae, seu de parco majori vei minori; quae ipsius erant munia in subscribendis apostolicis bullis transferuntur ad collegium Protonotariorum Apostolicorum, qui vocantur participantes de numero. 2-o. Dataria Apostolica. 1. Huic officio praeest unus ex S. R. E. Cardinalibus, qui in posterum Datarii, non vero Pro-Datarii nomen obtinebit. 2. Ad Datariam in posterum hoc unum tamquam proprium ministerium tribuitur, cognoscere de idoneitate eorum qui optant ad beneficia non consistorialia Apostolicae Sedi reservata; conficere et expedire Apostolicas litteras pro eorum collatione; eximere in conferendo beneficio a conditionibus requisitis; curare pensiones et onera quae Summus Pontifex in memoratis conferendis beneficiis imposuerit.