Kalocsai Főegyházmegyei Körlevelek, 1906

Index

t — 67 — X. Nr. 1776. De ratione studiorum sacrae scripturae in seminariis clericorum servanda. PITJS PP. X. AD PERPETUAM REI MEMÓRIÁM. Quoniam in re biblica tantum est hodie momenti, quantum fortasse nunquam antea, omnino necesse est, adolescentes clericos scientia Scripturarum imbui diligenter; ita netnpe, ut non modo vim rationemque et doctrinam Bibliorum habeant ipsi perceptam et cognitam, sed etiam scite probeque possint et in divini verbi ministerio versari, et conscriptos Deo afflante libros ab oppugnationibus horum hominum defendere, qui quidquam divinitus traditum esse negant. Propterea in Litt. Encycl. Providentissimus recte decessor Noster illustris edixit: „Prima cura sit, ut in sacris Seminariis vei Academiis sic omnino tradantur divinae Litterae, quemadmodum et ipsius gravitas disciplinae et temporum necessitas admonent." In eamdem autem rem haec Nos, quae magnopere videntur profutura, praescribimus: I. Sacrae Scripturae praeceptio, in quoque Seminario impertienda, ista complectatur oportet: primum, notiones de inspiratione praecipuas, canonem Bibliorum, textum primigenium potissimasque versiones, leges hermeneuticas; deinde históriám utriusque Testamenti; tum singulorum, pro cujusque gravitate, Librorum analysim et exegesim. II. Disciplinae biblicae curriculum in totidem annos partiendum est, quot anijos debent alumni Ecclesiae intra Seminarii septa commorari ob sacrarum disciplinarum studia: ita ut, horum studiorum emenso spatio, quisque alumnus id curriculum integrum confecerit. III. Magisteria Scripturae tradendae ita constituentur, quemadmodum cujusque Seminarii conditio et facultates ferent: ubique LITT. CIRC. 1906. tamen cavebitur, ut alumnis copia suppetat eas res percipiendi, quas ignorare sacerdoti non licet. IV. Quum ex una parte fieri non possit, ut omnium Scripturarum accurata explicatio in schola detur, ex altéra necesse sit omnes divinas Litteras sacerdoti esse aliquo pacto cognitas, praeceptoris erit, peculiares et proprios habere tractatus seu introductiones in singulos Libros, eorumque hittoricam auctoritatem, si res postulaverit, asserere, ac analysim tradere: qui tamen aliquanto plus, quam in ceteris, in eis Libris immorabitur ac Librorum partibus, quae graviores sunt. V. Atque is ad Testamentum vetus quod attinet, fructum capiens ex iis rebus, quas recentiorum investigatio protulerit, seriem actarum rerum, quasque hebraeus populus cum aliis Orientalibus rationes habuit, edisseret; legem Moysi summatim exponet; potiora vaticinia explanabit. VI. Praesertim curabit, ut in alumnis intelligentiam et studium Psalmorum, quos divino officio quotidie recitaturi sunt, excitet: nonnullosque Psalmos exempli causá interpretando, monstrabit, quemadmodum ipsi alumni suapte industria reliquos interpretentur. VII. Quod vero ad nóvum Testamentum, presse dilucideque docebit, quatuor Evangelia quas habeant singula proprias tamquam notas, et quomodo authentica esse ostendantur; item totius evangelicae históriáé complexionem, ac doctrinam in Epistolis ceterisque Libris comprehensam exponet. VIII. Singularem quandam curarn adhibebit in iis illustrandis utriusque Testamenti locis, qui ad fidem moresque christianos pertinent. ' 13