Kalocsai Főegyházmegyei Körlevelek, 1900

Index

59 —• XIII. Iuvat cum Venerabili meo Clero communicare latino sermone allocutionem qua Sanctissimus Dominus Noster Leo PP. XIII. in nativitatis Suae anniversario nonagesimo sacrum S. R. E. Cardinalium Collegium affatus est. cum Ei sacer hic purpuratorum Senatus, ore decani sui, devotissimum suum testaretur homagium, piissima nuncuparet vota, ad vigesimum secundum coronationis Eiusdem anniversarium diem. Venerabiles Fratres! Cum praesentem ingredimur Pontificatus Nostri annum, Ipsi — humanitus loquendo — miramur longaevam vitám paucis concessam. Sed quis potest Providentiae nosse consilia? Hoc tamen ad omnium solatium novimus, cunctos, sive senes, sive iuvenes, sub alis morari caritatis Dei, qui omnium Páter est, et semper amat, amat quando concedit vitám, amat quando eam aufert. Adoretur itaque in humilitate et devotione perenniter divinum, qualecunque illud sit, beneplacitum. Interim incumbens nobis officium est, non parcere viribus ultimis, imo eas omnes et parata voluntate — quemadmodum studemus — impendere servitio Sanctae Ecclesiae. Verum quidem est alti offlcii onus gravius seniles premere humeros, sed hoc respectu Ecclesia tenet ab alto promissum pignus tutaminis contra omnem humanam intírmitatem. Quid refert symbolici navigii gubernaculum debilibus commissum esse manibus, cum novimus in puppi vigilare et gubernare invisum divinum navis rectorem ? Benedicta sit virtus brachii sui, et misericordiarum suarum multitudo. Suos bene feret fructus annus iubilaei, Domine Cardinalis, quemadmodum sperat et precatur Sacrum Collegium. Feret eos certo, cum in opere iuvandi animos sollicitudini Ecclesiae semper iunguntur potentes gratiae influxus. Ecce iam in umbra maiorum Basilicarum religiosi sensus conspicue cernitur motus. Incolarum Urbis pietati digne respondet illa advenientium ab exteris oris; hos et illos sine discrimine complectitur, sicuti filios, Petri civitas, et indulgenti bonitate eos iuvat, ut semet renovent in Spiritu, hoc est, ut semet reddant meliores, magis probos, misericordiores, iustiores, promtiores ad sustinenda forti animo aspera vitae morális certamina. Hoc intenditur, hoc quaeritur ritu speciali per decursum anni sancti. Si alii ex hac traditionali caeremonia occassionem sumere volunt calumniandi et vilipendendi, Deus illis ignoscat; carnalis oculus in matéria fixus nil nisi materiam videt. Sed ubi vei parum perpenditur in mundo eminere primumque locum tenere ordinem bonorum inrtnite maiorum omni materiali utilitate, quaenam anima honesta nollet revereri intenta Sedis apostolicae, quando extraordinaria industria se nuntiam ministramque facit spirituális renovationis? Et Roma christiana nunquam apparet tanto sibi similis, quanto in medio harum cararum serenarumque solemnitatum hdei. Sunt hae solemnitates sua recurrentia memorabilia festa, sunt hae vera sua festa, quia efflorescunt spontanea ex interno suo esse, et excelsae suae iunguntur destinationi, quam vis creata mutare nequit. Profanae manifestationes, scenae sacrilegae possunt, permittente Deo, locum habere super Romae solo, ast haec non sunt romana. Gratias Vobis agimus Venerabiles Fratres, pro amabilibus Vestris sensis, quae denuo testati estis ore venerandi Vestri decani, et ímgis adhuc pro constante Vestra Nr. 2313. Allocutio Ssmi Domini Nostri Leonis PP. XIII. in anniversario coronationis. é