Kalocsai Főegyházmegyei Körlevelek, 1900

Index

IV VENERABILES FRATRES ET FILII IN CHRISTO DILECTISSIMI! Magnum certe gaudium Vobis, Venerabiles Fratres Filiique Dilectissimi paro, dum gratiosissimas Sanctissimi Domini Nostri Leonis P. P. XIII. litteras nuper ad me datas ad Vestram notitiam perferre festino. Ad quarum meliorem intelligentiam commemoro, me ad exordium novi anni nomine meo ac Vestro, populique curae nostrae spirituali commissi humillimas litteras gratulatorias ad Suam Sanctitatem dedisse, in quibus inter alia ad cerimoniam patefactionis portae Sanctae alludens verba Isaiae prophetae (26, 1—4) allegavi, illudque desiderium adjeci: „Utinam et reliqua, quae propheta eodem capite praedicit, ad exaltationem Sanctae Matris Ecclesiae et salutarem inimicorum ejus humiliationem quantocyus fausto eventu adimpleantur". In fine vero Suae Sanctitati humillime significavi, nos curas Ejusdem sollicitudinesque temporales in emolumentum Ecclesiae spirituálé directas ex nostra etiam parte tantisper allevaturos: titulo oboli S. Petri operumque catholicorum. 1) nomine meo 20,000 francos in auro, 2) nomine Ven. metrop. Capituli mei 1000 fiorenos val. Austr. 3) nomine reliqui Cleri et populi diocesani 2274 fiorenos 03 crucigeros, tandem 4) nomine piarum fundationum per Metropolitanum Capitulum administratarum 700 fiorenos 26 crucigeros, seu simul 20,000 francos in auro et 3974 fiorenos et 29 crucigeros val. Austr. via Nunciaturae Apostolicae Viennensis ad pedes Sanctitatis Suae deponendos curasse. Ad quam humillimam epistolam meam sequens a Sanctissimo Domino Nostro gratiosissimum responsum, propria Suae Sanctitatis manu subscriptum, accepi. LEO P. P. XIII. Venerabilis Fráter, salutem et Apostolicam benedictionem. Fidei, pietatis et obsequii tui erga Nos, atque hanc Apostolicam sedem certissimum pignus exhibuerunt datae a te litterae die 27. proxime elapsi mensis Decembris, quibus, anni sacri salutans exordia, fausta Nobis adprecabaris: et opportune memoratis Isaiae verbis, in spem erigebas, prosperiores tandem aliquando Ecclesiae orituros dies. Simul etiam Petri stipem accepimus, tum quae a praeclara tua liberalitate oblata est, tum quae, te auctore, collecta ex metropolitano isto Collegio ceteroque Clero ac Populo. Qua largitione egregiam vestram voluntatem, tuamque in primis, Venerabilis Fráter, admodum luculenter declarastis. Pro his igitur et humanitatis officiis et pietatis testimoniis grates referentes, a Deo summopere flagitamus, ut te diu sospitet, cura tuo grege usque tueatur, diligat, complectatur, suaeque gratiae cumulet donis. Coelestis autem favoris auspicem ac paternae Nostrae benevolentiae testem Apostolicam benedictionem tibi, Venerabilis Fráter, Capitulo, Clero ac Populo tuo peramanter impertimus. Dátum Romae, apud S. Petrum, die XVII. Januarii MCM., Pontiflcatus Nostri anno vicesimo secundo. Leo P. P. XIII. m. p. Venerabili Fratri Georgio Császka Archiepiscopo Colocensi et Bacsiensi." Dátum Coloczae, die 25-a Januarii, 1900. VENERABILES FRATRES. Auspicandae celebritatis sacrae quam mense Maio per apostolicas Literas indixeramus, iam prope sumus in limine. Grates tibi iustas meritasque persolvimus, Nr. 458. Responsum Summi Pontificis ad litteras Archipraesulis gratulatorias. Nr. 687. Allocutio Sanctisimi Patris 14. Dec. 1899.