Kalocsai Főegyházmegyei Körlevelek, 1881

Index

— 71 — E ncyclicas Sanctissimi Domini Nostri Leonis Papae XIII. litteras sub 29-a Junii a. c. editas, queis doctrinam „de politico principatu," de natura et conditionibus ejus magná sapientift et pastorali providentiá summás populorum terrenas res complectente eximie dilucidat et ad amussim sanctae religionis exigit, hisce fine eo transscribo, ut Venerabiles et Honorabiles Fratres Filiique mei principia iisdcm expressa curatius sibi propria reddant et in religiosa fidelium institutione, ubi et quando necessarium ac opportunum fuerit, sectentur. In Teplitz Bohemiae, die 25-a Julii, 1881. LUDOVICUS m. p. Cardinalis, Archi-Episcopus. VENERABILIBUS FRATRIBUS PATRIARCHIS PRIMATIBÜS ARCH1EPISCOPIS ET EPISCOPIS UNIVERSIS CATHOLICI ORBIS GRATIAM ET COMMÜNIONEM CUM APOSTOLICA SEDE HABENTIBUS LEO PP. XIII. VENERABILES FRATRES SALÜTEM ET APOSTOLICAM BENEDICTIONEM. Diuturnum illud teterrimumque bellum, adversus divinam Ecclesiae auctoritatem susceptum, illnc, quo proclive erat, evasit; videlicet in commune periculum societatis humanae, ac nominatim civilis principatus, in quo salus publica maximé nititur. — Quod hac potissimum aetate nostra factum esse apparet. Cupiditates enim populares quamlibet imperii vim audacius hodie recusant, quam antea : et tanta est passim licentia, tani crebrae seditiones ac turbae, ut iis qui res publicas gerunt non solum denegata saepe obtemperatio, sed ne satis quidem tutum incolumitatis praesidium relictum esse videatur. Diu quidem data est opera, ut illi in contemptuui atque ódium venirent multitudini; conceptaeque flammis invidiae iam erumpentibus, satis exiguo intervallo summorum principum vita pluries est aut occultis insidiis aut apertis latrociniis ad internecionem expetita. Cohorruit tota nuper Európa ad potentissimi Imperatoris infandam necem; attonitisque adhuc prae sceleris magnitudine animis, non verentur perdíti homines in ceteros Europae principes minas terroresque vulgo iactare. Haec, quae sunt ante oculos, communium rerum discrimina gravi Nos sollicitudine afficiunt, cum securitatem principum, et tranquillitatem imperiorum una cum populorum salute propemodum in singulas horas periclitantem intueamur. — Atqui tarnen religionis christianae divina virtus stabilitatis atque ordinis egregia firmamenta reipublicae peperit, simul ac in móres et instituta civitatum penetravit. Cuius virtutis non exiguus neque postremus fructus est aequa et sapiens in principibus et populis teuiperatio iurium atque oíficiorum. Nam in Christi Domini praeceptis atque exemplis mira vis est ad continendos tam qui parant, quam qui imperant in officio, tuendainque inter ipsos eam, quae maximé secundum naturam est, conspirationem et quasi concentum voluutatum, unde gignitur tranquillus atque omni perturbatione carens rerum publicarum cursus. — Quapropter cum regendae Ecclesiae catholicae, doctrinarum Christi custodi et interpreti, Dei Circ Lit. 1881. 1 ^ Nr. 1756. SSmi D. N. Leonis Papae XIII. encyclicae de „Politico Principatu" publicantur.