Kalocsai Főegyházmegyei Körlevelek, 1866

Index

— 40 — tat, quoad corpus et quoad animam innumeras tribuit gratias; ipse nobis suum amorem quandoque castigando testatam facit; ipse nobis miseretur timentibus se. Noster est omnium. Unus nos creavit Deus omnesque paterno invicem amore monemur complecti. Qui es in coelis. Reflectit nos Christus Dominus ut cum reverentia erga Deum nostras incipiamus preces, considerantes maiestatem Dei in coelo tamquam in throno residentis. Vult, ut mentes nostras erigamus in coelum ubi vera nostra habetur Patria, et intelligamus in bac terra esse nos tamquam exules, quorum conversatio jugiter sit in coelis. Sanctificetur nomen Tuum. Exoptamus in hac petitione, ut Deus liabeatur ab omnibus talis, qualis est : purus, sanctus, justus, verus, rectus; ut totum quidquid Deus nominatur, uti omnipotens, sapiens creator, pro tali quoque celebretur a cunctis mortalibus; ut in omnibus solusDeus glorificetur: regi saeculorum immortali etinvisibili soliDeo bonor et glória in saecula saeculorum; ut haec Dei glorificatio fiat ab omni creatura coelestium, terrestrium et infernorum et laudetur nomen Domini omni tempore; ut omnes homines credant quaecunque revelavit Deus, sperent quae promisit, exequantur quae jussit, colant Dominum ut praecepit, amentque eum facto quatenus quicunque viderint opera nostra bona, glorificent Patrem nostrum qui in coelis est. Adveniat Regnum Tuum. Desideramus et flagitamus in hac secunda petitione, ut Ecclesia semper magis dilatetur per universa loca totius mundi fiatque quo ocyus unum ovile sub uno pastore Christo; ut gratiaeDei magis et magis incrementa accipiat in justis, dirigatque et occupet cunctorum mortalium corda; ut veniat quo ocyus regnum illud consummatum et perfectum in resurrectione mortuorum quod exspectant animae justae. Heu mihi quia incolatus meus prolongatus est. Cupio dissolvi et esse cum Christo. Quemadmodum desiderat cervus ad fontes aquarum, ita desiderat anima mea ad Te Deus. Fiat voluntas Tua sicut in coelo et in terra. Exoptamus et ardenter petimus in hac tertia petitione, ut semper adimpleatur in nobis voluntas Dei quae est semper bona, recta et perfecta nobisque semet in praeceptis Dei atque Ecclesiae, vocationisque nostrae officiis insinuat; ut non nostra. non mundi, non carnis, non maligni spiritus, sed sanctissima diyina voluntas impleatur, et quidem sicut in coelo ab Angelis qui integre, promte, velociter, fortiter et libenter obediunt. Doce me Domine facere voluntatem Tuam, quia Deus meus es Tu. Loquere Domine, quia audit servus Tuus. Fanem nostrum quotidianum da nobis hodie. Da nobis Domine panem corporalem, qui vitae nostrae conservandae est necessarius, panem gratiae et verbi Dei quo cibo anima nostra indiget; panem vivum supersubstantialem, qui de coelo descendit, quive confirmat cor hominis et ejus spiritum roborat. Da nobis panem hunc omnibus, omnes enim Te Deum Patrem cognoscimus qui dona Tua universorum tribuisti necessitatibus. Quotidianum da nobis non abundantem aut ad plures reponendum annos, sed ad usum et necessitatem quotidianae vitae. Oculi omnium in Te sperant Domine. Tu das escam illis in tempore opportuno: aperis manum Tuam et omne animal benedictione imples.