Kalocsai Főegyházmegyei Körlevelek, 1864

Index

- 23 fráter erat. Exinde Absalonís a patre fuga, et diuturnior ab eo abalienatio. Hinc tandem funesta huius filii in patrem consurrectio. Absalon siquidem post longam in terra Gessur commorationem tandem a Davide rege, suo patre reditum obtinuit, imo post duorum annorum Hierosolymis praesentiam ad conspectum regium quoque admissus est. Verum inter haec coepit populi favorem lucrari, et unumquemque deosculatus, de publicae iustitiae administratione conquerebatur, seve pro eo declarabat, qui omnium desideriis satisfacturus foret. Sub specioso itaque offerendorum in Hebron sacrificiorum titulo, a rege Davide dimissionem consecutus, accersivit sacex-dotem Achitophel, qui Absaloni ad revolutionem excitandam necessarius erat, et sic solida coniuratio conflata est. Hisce rumoribus perceptis Dávid, magna cum animi quiete semet ad fugám disposuit; quosdam pro custodiendo palatio reliquerat, ipse vero cum suis domesticis et fidelibus iter ingressus est. Sexcenti viri pugnatores e Geth, qui Davidi regi in hoc quoque discrimine rerum pie adhaeserant, praecesserunt regem, comitabatur vero illum militia praetoriana. Ettai, licet a Davide rege remissus, ab eo tamen se avelli minimé sivit, sed vitám et mortem cum illo partiri voluit. Nunc pertingunt ad torrentem Cedron, et versus montem Olivarum tendunt. Levitae portabant arcam, et universus populus, qui Davidem in copia comitatus erat, amare flevit. Rex incedentes iubebat sistere, et Sadoc Sacerdoti mandabat, ut referret Hierosolymas arcam, dicens: ,Si reducet me Dominus, utique videbo illám, si autem non placeo Domino, faciat mecum , quod illi placet.

£ Sadoc proin et Abiathar ad regis mandatum reportabant arcam, at rex nudis pedibus velut lugens et poenitens ad montem Olivarum ascenderat, et omnis populus aperto capite ascendit plorans. Dávid vero in summitate montis oraverat. Inter haec venit Chusai suam erga regem adhaesionem testari, illum tamen rex Hierosolymas redire iussit, ut ibi pro salute reipublicae in aula Absalonis ageret. Chusai reduce, iam etiam Absalon ingressus est, et occupavit urbem patris regiam. Interim servus Miphibosethi, nomine Siba, pro Davide copiosa cibaria túlit, et quia mentitus est Miphibosethum regiam dignitatem affectare, possessiones eiusdem a rege obtinuit. Post haec Dávid in suo versus Jordanem processu penes oppidulum Bahurim transire debuit, ubi Beniaminita quidam regem iam de cetero afflictum lapidibus petiit, eumque virum sanguinum, virum Belial compellare non erubuit, aliisque scommatibus aífecit. Ad hanc ulciscendam iniuriam Davidi milites prae manu erant, imo Abisai expetiit quoque facultatem a rege, ut hunc canem mortuum possit confodere. Ast Dávid pacificum transitum continuandum svadens, aiebat; non suo nutu, sed Domino volente hoc Semei fecit. — Interim Achitofel, et Chusai in aula Absalonis duo diversa consilia suggerunt. Achitofel optabat mox duodecim mille armatis stipandus persequi Davidem, eius asseclas dissipare et ipsum regem perdere. Chusai vero, qui occulte Davidi adhaesit, volens Davidi tempus relinquere, ut trans Jordanem semet subducere possit, consilium Achitofelis ex eo fundamento disvasit, quia Dávid, et eius asseclae velut magni heroes, facile poterunt exercitus e solis duodecim millibus constantis aliquam partém viriliter repellere, 2