Kalocsai Főegyházmegyei Körlevelek, 1861

Index

15 Nr. V. Sua Caesareo-Regia Apostolica Majestas tenore Altissimi Decreti ddo 14-ae pr. m. editi, fine publicarum Patriae nostrae rerum ad avitam legalem normám instaurandarum Generalia Regni Comitia Budae celebranda in diem 2-am Április a. c. clementer indixit. Quoniam vero nisi Dominus aedificaverit domum , in vanum laboraverunt, qui aedificant eam; idcirco pro felici tanti operis successu ab Eo, qui habitat in concilio justorum et congregatione, cujusve nutu Legum conditores justa decernunt, efflagitando pro muneris mei ratione hisce dispono : ut durantibus praedictis Comitiis singuli Dioecesis hujus Presbyteri tam Seculares quam Regulares in Missis privatis nonsecus ac solemnibus — nisi rubricae prohibuerint — Collectam „pro quacunque necessitate" praescriptam assumant; tum vero — populo eatenus praevie admonito — in omnibus Parochialibus perinde ac Religiosorum Ecclesiis dominicis et festis diebus post Missam aeque ac post Lytanias 3 „Páter" et totidem „Ave" cum praeattacta oratione ,,Deus refugium nostrum et virtus" lingua vernacula coram Sanctissimo in Ciborio exposito persolvantur. Coloczae, die 22-a Mártii 1861. F ranciscum Csáby, Parochum Moholyensem, aetatis 69-o, Presbyterii autem 46-o anno, susceptis praevie moribundorum Sacramentis die 16-acurr. ex hac vita decessisse Dioecesis meae Clero ea cum provocatione significo, ut pro anima defuncti praescripta S. Missae Sacrificia persolvant; qui vero vacantem Parochiam Moholyensem juri Patronatus Regiae Financiarum Directionis Hungaricae obnoxiam consequi cupiverint, recursus suos usque 5-tam Maii a. c. isthuc substernant. Coloczae, die 22-a Mártii 1861. Themata e disciplinis theologicis anno 1859 abhinc proposita a plurimis tum Parochis Parochiarumque Administratoribus, tum Capellanis debita cum solertia elucubrata fuisse, e relatione Commissionis ad censuranda hujusmodi thematum elaborata a me constitutae cum satisfactione intellexi. Quocirca sumtis in considerationem iis, quae relate ad proemia elaboratis melioribus tribuenda horum Fundator piae memoriae immediatus Decessor meus praestituit, habitaque in specie ad pastoralem zelum in promovendis catecheticis et scholasticis institutionibus perhibitum reflexione, eadem proemia pro Parochis et Administratoribus in 105 finis, pro Capellanis vero in 52 finis et 50 xris defixa, hac vice sequentibus addicenda esse censui, etquidem : Bende Emerico, Parocho Futtakensi. Hiimpfner Andreae, emer. V.-A.-Diacono, Parocho Kernyensi. Navratill Eduardo, Parocho Akasztóensi. Sörös Emerico, Administratori D.-Patajensi. Steib Antonio, Administratori Szivaczensi. 1 Nr. 388. Pro felici Comitiorura successu Deus exorandus. Nr. 390. Franciscum Csáby, Parochum Moholyensem obiisse significatur. Nr. 393. Pro melioribus thematum a. 1859 propositorum elucubrationibus proemia addicuntur, approbataeque illorum resolutiones communicantur.