Kalocsai Főegyházmegyei Körlevelek, 1859

Index

4 Nr. 230. Pro complendis Theologiae Professorum Cathedris in ArchiEpiscopali Lyceo Coloc. examen concursuale indicitur. u t Clerus junior Archi-Dioecesis meae ad digne ambulandum sanctae, quam ingressus est vocationi, cum in virtutibus ac vitae sanctimonia, tum in scientiis sacris in dies magis magisque proficiat, et in his quidem faciliores efficacioresque faciat progressus : novam studiorum theologicorum normám secundum tenores Concordati, artic. VI. et XVII. Episcoporum item in Conferentiis anno 1856 Viennae congregatorum votum stabilitam Altissimisque ddo. 8-ae Mártii 1858 Ordinibus conformem in Lyceo meo Archi-Episcopali introducere, praeexistentesque quatuor Theologiae Professorum Cathedras duabus augere est necesse. Cum autem ad exigentiam §. 7. supraprovocatorum Altissimorum Ordinum Cathedrae theologicae posthac illis conferendae sint, qui per examen scripto subeundum et verbális modi proponendi probam semet idoneos esse docuerint : eapropter pro complendis duabus novis, una item praeterea vacante, adeoque tribus scientiarum theologicarum Cathedris in Lyceo meo Archi-Episcopali conferendis concursum indico, hujusque asservandi terminum in 24-tam et sequentes mensis Maji a. c. dies hisce defigo. Instituetur autem examen concursuale pro sequentibus Cathedris : I. Die 24. et 25. Maji pro Cathedra Studii Biblici Veteris Foederis; ad quod studium pertinent : Archaeologia Biblica, Hermeneutica Sacra, Introductio in Libros Sacros Vet. Foederis cum illorum interpretatione secundum Vulgatam, praecipue locorum, quae de Messia sonant, aut quorum major est usus in Ecclesia, uti Psalmorum, — denique Elementa Linguae Hebraicae cum analysi textus originális. II. Die 25. et 26. Maji pro Cathedra Theologiae Generális seu Apologeticae Sacrae; cujus est: principia et fundamenta Religionis et Ecclesiae christianocatholicae rite exhibere ac contra vigentes Materialistarum, Pantheistarum, Naturalistarum, Rationalistarum, Schismaticorum et Protestantium errores vindicare. III. Die 26. et 27. Maji pro Cathedra Theologiae Dogmaticae Speciális, ad cujus partes pertinet dogmata Ecclesiae catholicae e genuinis revelationis fontibus haurire, íirmare et contra grassantes errores defendere. Quapropter Archi-Dioecesis meae Clerum hisce provoco, ut qui unam aut aliam e praedictis Cathedris consequi voluerint, supradesignato termino Coloczae adsint, suamque eatenus intentionem mihi praevie significent, eo pro congrua directione observato, quod unus idemque pro pluribus etiam Cathedris competere possit, peractaque concursualium elaboratorum censura pro illa renunciandus sit, pro qua maximé idoneum semet probaverit. Coloczae, die 30-a Januarii 1859. Josephns m. p. Archi-Episcopus.