Kalocsai Főegyházmegyei Körlevelek, 1859

Index

63 ^Q Nr. VII. Quoniam persuasum habeo, vix ullam esse pastoralis muneris partém, quae majorem ad provehendos in populo christianae pietatis probitatisque fructus exerere possit efficaciam, ac exerat Sacramentum Poenitentiae debita cum scientia, ingenua pietate puraque conscientia administratum : idcirco Constitutiones Summorum Pontificum idipsum inculcantes, et in quibusvis abhinc. exaratis Jurisdictionalibus litteris provocari solitas, hisce cum eo republicandas esse censui, ut illas singuli Dioecesis meae DD. Curati sedulo relegant, earumque tenores omni cum religione observent caveantque, ne fidelibus curae ipsorum creditis ibi offendiculum paretur, ubi salus a Christo posita est. Coloczae die 29-a Novembris 1859. Josephus m. p. Archi-Epis copus. Nr. 1765. Constitutiones quaedam Apostolicae ad administrationem Sacramenti Poenitentiae attinentes. CONSTITUTIO GREGORII XV. de dato 30-ae Augusti 1622 qua confirmatur, et ampliatur Constitutio Pii Quarti edita contra Sacerdotes in confessionibus Sacramentalibus Poenitentes ad turpia sollicitantes. GREGORIUS PAPA XV. Ad perpetuam rei memóriám. Universi Dominici gregis curarn quamquam immeriti, coelesti dispositione gerentes, sedulo invigilare tenemur, ut ab omnibus pravis contagiis conservetur immúnis , multoque majori studio providere, ut omnis pestis ab iis avertatur, quibus alios sanandi officium est commissum, ne quod evangelica scripta Nos admonent, sale infatuato non sit in quo 3aliatur, et ad nihilum prosit ultra, nisi ut mittatur foras, et conculcetur ab hominibus. §. 1. Quoniam autem a Romanis Pontificibus praedecessoribus Nostris quibusdam in locis provisum fűit, ut impium ac nefandum scelus, quod non solum inter Christi fideles non esse, sed nec etiam nominari debet, procul ab iis arceatur, videlicet ut aliquis Sacerdos ad sacras audiendas confessiones deputatus, sacro-sancto Poenitentiae Sacramento sollicitando poenitentes ad turpia, abutatur, ac pro medicina venenum, pro pane aspidem porrigat, et ex coelesti medico infernalis veneficus, ex patre spirituali proditor execrabilis animarum reddatur : idcirco Nos ea, quae his perniciosissimis diaboli insidiis arcendis certis locis salubriter constituta sunt, ut nullibi desiderentur, quantum ex alto conceditur, providendum duximus. §. 2. Alias siquidem a fel. rec. Pio Papa IV. Praedecessore Nostro emanarunt literae tenoris subsequentis, videlicet : Pius Papa IV. Venerabili Fratri Archi-Episcopo