Kalocsai Főegyházmegyei Körlevelek, 1859

Index

34 2-o Circa Patrinos et Matrinas id observandum jubeo, ut Confirmandis sui duntaxat sexus Tenentes neque uno plures assistant; hi sub ipso confirmationis actu dextram manum super dextro Confirmandi humero teneant, a Tenentis vero munere nondum confirmati aut aliam religionem profitentes, item Religiosi absolute arceantur. 3-o Cum Sacramentum Confirmationis eo ipso, qviod characterem indelebilem imprimat, absque sacrilegio iterari non possit, conformiter hodiernae Ecclesiae disciplinae nullum octennio minorem cofinnaturus sum tum quod tenellae hujusmodi proles ob ipsam aetatis imbecillitatem vim pretiumque hujus sacramenti adprehendere nequeant, tum quod subin ex facilitate oblivionis discrimini iterandi in maturiore sua aetate hujus Sacramenti exponantur. Quodsi nihilominus quipiam parvuli adeo gravi morbo laborarent, ut ex eo decessuri praevideantur, tales cujuscunque demum aetatis fuerint, domi etiam perquirendos confirmabo, ut docente S. Thoma confirmati ex hac vita migrantes majorem consequantur glóriám, cum et hic majorem obtinuerint gratiam. Perinde 4-o Cunctos fideles, qui graviore morbo detenti Ecclesiam adire prohiberentur, mihi nominatim indicari cupio : ut eosdem invisere hocque roborantis gratiae coelestis Sacramento munire possim, eo ceteroquin suapte intellecto, quod hi ad illud digne suscipiendum per concernentem Curatum debite praeparandi sint. 5-o Ubique primum mares, dein aútem muliebris sexus personas confirmaturus, ad vitandum quemvis simul eodemque tempore confluentis multitudinis disorclinem ac tumultum a concernentibus animarum Curatoribus majorem in modum deposco, ut universos Confirmandos in turmas ac series praevie determinandas partiantur, quae statuto tempore sibi succedant; porro ut Confirmandis rite instructis ac praeparatis schedulam, cui per ipsum Curatum subscribendae Confirmandi nomen baptismale et cognomen , nomen item in Confirmatione sortiendum, aetas, locus domicilii, nomen denique et cognomen Patrini vei Matrinae inserta erunt, consignent, quam iIli quidem inde a cornu Epistolae per longitudinem Ecclesiae , ac si tempestas admiserit etiam foris circa eam continua serie dispositi, in manibus tenebunt; immediate vero me praecessurus Ecclesiasticus receptam, pronunciato confirmationali nomine Syndico aut Aedituo eas collecturo resignabit; tum designandus ad id Sacerdos S. Oleum e fronté Confirmati adhuc genuflexi bombagio deterget, ipsas vero schedulas Parochus subin colliget ac ductu earum Protocollum Confirmatorum in duplici authentico exemplari conficiet, quorum unum ad Archívum meum Archi-Episcopale reponetur, alterum vero praevie isthuc cum prioré substernendum subin vero remittendum in Parochia manebit, ut ejus usum Parochus ad spirituales cognationes detegendas et ad dubia, num quis et quando confirmatus sit tollenda facere possit. Schedae hae quemadmodum mihi vadimonio erunt quemvis, qui illa provisus fuerit, per Parochum rite instructum praeparatumque fuisse, ita illa destitutum ad Confirmationem admissurus haud sum. Quapropter vicinarum etiam Parochiarum fideles non secus, quam si hujusmodi scheda per proprium Parochum subscripta provisi fuerint, Sacramenti hujus reddam participes.