Kalocsai Főegyházmegyei Körlevelek, 1858

Index

Nr. IX. G oncilium Tridentinum Sess. 23., Cap. 1. de reform, disertis verbis praecipit, ut omnes, quibus animarum cura commissa est, Missae Sacrificium pro fidelibus sibi creditis offerant. Quamvis igitur obligatio S. Missae Sacrificium pro populo applicandi nulli prorsus dubio obnoxia sit; cum nihilominus quaestio circa dies illos, quibus Curati Missam pro populo offerre teneantur, haud modicis dubiis et controversiis adusque implexa fuerit : ideo illám Sanctissimus Dominus Noster PIUS Papa IX. clarissima in luce locavit per Encyclicas litteras ddo. 3-ae Maji a. c. dimissas tenoris sequentis : Nr. 954. Apostolicae litterae de S. Missae Sacrificio per Curatos pro fidelibus offerendo. YENERABILIBUS FRATRIBUS PATRIARCH1S, PRIMATIBUS, ARCH1-EPISCOPIS EPISCOPIS, ALIISQUE LOCORUM ORDINARIIS GRATIAM ET COMMUNIONEM CÜM APOSTOLICA SEDE HABENTIBUS. VENERABILES FRATRES SALUTEM ET APOSTOLICAM BENEDICTIONEM. Amantissimi Redemptoris Nostri Christi Jesu Unigeniti Filii Dei tanta fűit erga homines benignitas et caritas, ut, veluti optime nostis, Yenerabiles Fratres, humana indutus natura non solum saevissimos pro nostra salute cruciatus, atrocissimamque crucis mortem perpeti, verum etiam in augustissimo sui corporis, sanguinisque sacramento nobiscum semper morari, ac nos peramanter pascere et nutrire voluerit, quo ipse in caelum rediens ad dexteram Patris nos et sui numinis praesentia, et tutissimo spirituális vitae praesidio communiret. Neque contentus nos tam insigni, ac pláne divina dilexisse caritate, beneficia beneficiis cumulans, suique in nos amoris divitias profundens effecit, ut probe intelligeremus, quod cum dilexisset suos in finem dilexit eos. Namque se aeternum Sacerdotem esse declarans secundum ordinem Melchisedech, suum in Catholica Ecclesia Sacerdotium perpetuo instituit, et illud idem Sacrificium, quod ipse ad universum humánum genus a peccati iugo, ac daemonis captivitate vindicandum et redimendum in ara crucis, pretiosissimo suo sanguine eífuso, semel peregit, pacificans sive quae in caelis sunt, sive quae in terra, usque ad consummationem saeculi permanere decrevit, et quotidie fieri, ac renovari iussit per Sacerdotum ministerium, sola offerendi ratione diversa, ut salutares uberrimique suae passionis fructus in homines semper redundarent. Siquidem in incruento Missae sacrificio, quod conspicuo Sacerdotum ministerio peragitur, illa ipsa vivifica litatur victima, quae Deo Patri nos reconciliavit, quaeque omnem merendi, piacandi, impetrandi ac satisfaciendi vim habens „illám nobis mortem Unigeniti per mysterium reparat, qui licet resurgens a mortuis iam non moritur, et mors ei ultra non dominabitur, tamen in semetipso immortaliter atque incorruptibiliter vivens pro nobis iterum in hoc mysterio sacrae oblationis immoNj. IX.