Kalocsai Főegyházmegyei Körlevelek, 1858

Index

festorum per indomitam iuventutem frequentissima sit profanatio. Cessarent omnino, aut minuerentur certe compotationes, rixae et scandalosi in seram noctem producti saltus, si eo, quo hisee excessibus vacatur tempore aetas iuvenilis prudentius occupari assvesceret, et avocata a malis, iam doceretur bonum facere ex principio. — Accedit, quod salutares, in Scholis dominicalibus haustae notitiae deferantur in domesticos circulos, et quod boni communieatum est paucis, resciatur a multis. Neque dubitandum, quod is, qui in sua iuvenili aetate dies festos congrue sanctiíicare doctus est, ubi in virum maturuerit, illos omnino christiano more transacturus sit. — Certum quoque est ad conciones — quas saepe iuvenes absque omni fruetu audiunt — intelligendas aptissime disponi mentem, ubi haec suarum facultatum evolutioni et culturae gradui commensuratam semperque progressivam hauserit notitiam; prout etiam clarum est, specialibus adolescentiae moralibus indigentiis in his privatis circulis facillime, et optime satisíieri posse. — Accedit, quod ipsi iuvenes, Sacerdotem suum in his quoque Scholis suum Patrem ac magistrum experti, eo fiducialius adamaturi sint, quo magis cum aetatis crescentis iudicio, beneficii sibi impensi magnitudinem ponderaverint. Nec praetereundum est, quod iuvenes, in Scholis dominicalibus instituti suam paschalem confessionem cum maiori fruetu peragant, ut adeo labor pastoralis Scholis his impensus, fatigiis compendium, lucro vero animarum incrementum addat. — Imo sic et sensus pietatis, aetati quidem omni sed adolescentili vei maximé necessarius non modo non deficiet, sed et quotidiana domestica devotio accomodis inviationibus plurimum promovebitur — et qui secus tempus tremendi Missae sacrificii otiosi transigerent, opportuna cantica vei modum opportune Sacro assistendi ediscent. — Ipsa boni exempli vis, ex Scholarum dominicalium tyronibus resultans et alios arcebit ab excessibus, aut saltem efficiet ut hi ipsi difficilius seducantur, et reducantur facilius. — Hac insuper ratione etiam Sacramentorum promovebitur frequentatio, quam Mater Ecclesia tantopere optat. Prout librorum bonorum propagationi nova praebetur occasio, quibus iam et domestica aedificatio multum adiuvabitur. — Nec contemnendum est lucrum ex eo proveniens, quod hocce medio modus in Ecclesia orandi si imperfectus emendari, si bonus perfici valeat, et superstitiosis quibusdam precatiunculis eliminandis opportuna suppetat occasio. . . . II. Impedimenta haec fere numerantur : a) Res, utpote nova animos abalienat. — Interim haec circumstantia eousque nocet, donec pretium rei novae non est notum. Ubi apparuerit rem novam salutarem esse, haec novitas prudentem offendet neminem. b) Juventus seipsam retrahit. — Equidem prona est adolescentilis aetas, ad iugum omnis disciplinae excutiendum. Nec mirandum, quod carnali homini magis placeat tiburcinari in diversorio, quam discere in Schola. — Interim si res non tractetur cum taedio, si ad iuvenilis aetatis usum íiat applicatio, non est dubium: ipsos iuvenes in talem institutionem propensuros. Si exeitetur debita sciendi cupiditas, si foveatur animi serenitas, si texantur in opportunis narratiunculis etiam innocua gaudia, non unus libenter veniet. Accedit, Nr. III. 3.