Bél Mátyás: Heves megye ismertetése 1730–1735 - A Heves Megyei Levéltár forráskiadványai 8. (Eger, 2001)

A forrás közlésének alapelvei

COMITATUS HEVESIENSIS PARS GENERALIS Membrum I. Physicum De situ, natura atque opportunitatibus hujus comitatus 1. §• [Nomenclatio ejus ab oppido Heves. Junctus ei Solnok exterior] Hevesiensem comitatum denominat oppidum Heves, quippe in eo quasi medium. Nam ex quo Szolnokiensis exterior cum Hevesiensi conjunctus est duoque olim diversi unum postea formarunt comitatum, Heves omnino medium locum jam tenet. Facta autem conjunctio est anno [1569 cujus articulo 52.]. 2. §. [Amplitúdó et situs regionis] Itaque sic juneta provincia vastius jam porrigitur. Qua ab Oriente vergit in occasum, regionem intra Zagyvam Hatvaniensem et Agriam Poroszloensem, hoc est interior Hatvan et Poroszló latam format milliaria Septem Hungarica, quatuordeeim autem milliaria superat, qua a meridie in septemtrionem procurrit, et hinc fontibus Agriae ad Beköcze, illinc ostiis Chrysii penes vicum Csépam terminatur. Jacet autem inter complures conventus et provincias. Ab Oriente habet comitatum Borsodiensem rivo Agria diremptum, inde versus meridiem accedit ei ora Cumanorum major et Békésiensis comitatus Berethone et Chrisio arbitris; tum in occasum reflexus rivo Zagyva a Pestiensi separator, includitque penes eundem fluvium oram Jazygum seu Phylistaeorum tractum; Pestiensi ora relicta adverso Zagyva usque ad fontes ejusdem juxta comitatus fines Neogradiensis in septemtrionem vertitur, perpetuisque ibi montibus ad Borsodienses redit. [Atque hinc Neogradiensem, illinc vero Békesiensem provinciolas contingit, diremptaque ab illa posteriore Tibisco et Beretyone interfluis oram majoris Cumaniae intercludit. Eamque ac Jazygum regiunculam complectitur ea parte, qua in occidentem assurgit, atque Zagyva fluvio rescissa provinciám Borsodiensem Agrio a se dirimit in orientem.] 28