A Győri Püspökség Körlevelei, 1914
Tartalomjegyzék
145 XVII. Tristissima legatione fungimur, dum acerbissimo animi nostri moerore cum Venerabili Clero dioeceseos nostrae luctum Ecclesiae et universi populi Christiani communicandi officium nobis dire incumbat. Sanctissimus Dominus Dominus noster Pius Pontifex Maximus X. Christi in terris Vicarius, totius Ecclesiae visibile Caput, Servus Servorum Dei, die 20. Augusti hora secunda matutina, anno Pontificatus sui decimo secundo, plenus dierum et meritorum viam universae carnis ingressus, pie et sancte obdormivit in Domino. Siccine separat amara mors1 patrem a filiis, et avellit a nobis gaudium nostrum et coronam nostram?2 Ast, num Dei possumus resistere voluntati? . . .3 Quinimo: beati mortui, qui in Domino moriuntur.4 Pie defunctus beatissimus Pater non omnis mortuus est. Exantlatorum in Ecclesiam Christi laborum, curarum ac sollicitudinum monumenta per titulos memoresque fastos posterae aetati admiranda potius quam enarranda relinquens: nobis filiis suis et Orbi christiano Virtutum apostolicarum speculum testameňtaliter legavit. Nostis enim fratres dilectissimi, quod non Illum prospera elevarunt, non adversa perturbarunt, non aspera fregerunt. Sedebat in cathedra Petri intangibilis, ut vere sanctus immutabilis, militando pro Christifidelium salute et Ecclesiae incolumitate per arma justitiae a dextris et a sinistris,5 Animus Ejus nobilis, quem nulla deorsum trahebat indigna affectio; firmus, quem nulla concutiebat turbatio: invictus, quem ulla fatigabat tribulatio, etsi in laboribus plurimis in plagis abundantius, in mortibus frequenter versaretur.6 Ascendens super montem excelsum,7 ut sit elevatus et solutus ab omni terrenorum affectuum afflatu et constitutus rex supra montem Sanctum,8 incepit munus suum grande: restaurans omnia in Christo. Contra errores hujus saeculi et errorum magistros quasi tuba exaltabat vocem suam, si forte audiant et quiescant.9 JPosuit se murum pro domo Israel, repletus fortitudine Spiritus Domini, judicio et virtute, ut annuntiet Jacob scelus suum et Israel peccatum suum.10 Fluctus tenta- tionum perversarumque semitarum pandebat, potens exhortari in doctrina sana et eos, qui contradicunt, arguereJ1 In* lege Domini erat voluntas ejus, ideo12 legislator noster factus, sancitis ab Eo tot sacris ecclesiae canonibus vitam aeque nostram ac societatis Christianae ad rectam tramitem adigendo; ideo et quis similis ei in legislatoribus?13 1 I. Reg. 15, 32. — * Philipp 4, 1. — 3 Genes 50. 19.'- \Apoc. 14, 13. — 6 II ad Corinth. 6, 7. - 8 Ibidem, 11, 13. — ’ Isaias, 40, 9. — 8 Psalm. 2, 6. — 9 Isaias, 58, 1.''— 10 Micheas, 3, 8. — 11 Ad Titum, 1, 9. — ’* Psalm. 1, 2. — ,s Job. 86, 22. Nr. 5373 Obitus b. Patris Pii P. P. X.
