A Győri Püspökség Körlevelei, 1869
8 Nr. 354. Editio nova „ Manualis Parochorum“ auctore Paulo Kovács publicatur. Reverendissimus D. Paulus Kovács Canonicus Váciensis novam, eamque locupletiorem editionem operis: sui „Manuale Parochorum“ latissime divulgati adornare intendens, adjecta nuncia litteraria per Districtus circulari optat. Folia subscripta Cancellariae Dioe- cesanae erunt administranda. Jaurini, die 3. Februarii 1869. Nr. 355. „Bibliai történet“ et „Történetekkel fölvilágosított egyházi beszédek“ commendantur. * D. Carolus Huszár, Theologiae Professor in Lyceo Episcopali Alba Regalensi proxime vulgare intendit idiomate hungarico sub titulo: „Bibliai történet“ opus biblicum a Chri- stophoro Schmid concinnatum certe egregium, omnique commendatione dignum. Apud eundem Auctorem 'comparari potest etiam cyclus tertius sacrorum sermonum titulo: „Történetekkel fölvilágosított egyházi beszédek minden vasár- s ünnepnapra.“ Folia prae- numerationis ad utrumque opus hic adnexas dimitto. Jaurini, die 3. Februarii 1869. Nr. 356. ,Katholisches Gebet- und Gesangbuch für Kirche und Haus“ publicatur. Recentissime prodivit liber precatorius in usum fidelium labii germanici continens in specie cantilenas et preces, quibus potissimum fideles Comitatus Mosoniensis et Sopro- niensis utuntur. Pretium exemplaris in cruda 70 xr., in compactura dura 1 fl. 20 xr. efficit. Prostat autem venalis Viennae apud Bibliopolam Mayer. Jaurini, die 3. Februarii 1869. Joannes m. p. Episcopus.
