A Győri Püspökség Körlevelei, 1869
! Ad Nro. II. Circularium anni 1869. Litterae Pastorales Celsissimi ac Reverendissimi Domini Joannis Simor Principis Primatis Regni Hungáriáé, Archi-Episcopi Strigoniensis. Uuae in ultimis Regni Comitiis latae sunt leges, religionem et Ecclesiam proxime concernentes, quas nosse, et circa quarum materiem incumbentes sibi obligationes probe tenere oportet V. Clerum Curatum, Lex una definit reciprocam inter legitime receptas in Regno cliristianas confessiones relationem, lex altera stabilit judicatum in controversis mixtorum matrimoniorum causis. Lex prior disponit de transitu ex una ad aliam confessionem ^ porro de mixtis matrimoniis, proliumque ex illis progenitarum religiosa educatione, item de dominicis ac festis diebus, denique de coemeteriis. Quae in eadem lege insuper occurrunt, in se clara sunt, nec uberiorem deposcunt explicationem. I. Lege novellari transitus ex una ad aliam confessionem licitus declaratur, dummodo qui fidem mutare vult, decimum octavum aetatis annum superaverit, quae aetas in omni ad aliam fidem transire cupiente requiritur, praeterquam in sexus sequioris nuptui jam traditis personis, quae etiam praeattacta aetate minores ad aliam confessionem transire possunt. Artic. 26. 1790. §. 13. transitum a Religione Catholica ad alterutram ex evan- gelicis confessionibus Catholicae Religionis principiis adversari enunciavit, atque ad impediendam transitus temeritatem Regiae Majestati jus tribuit, re adhuc integra, fini congrua media adhibendi. Artic. 3. 1844. transitum faciliorem reddidit, certis illum dumtaxat alligans conditionibus, quas a fide deficere volentes Catholici observare debebant. Dum e contrario Evangelici irrestricta pollebant libertate in amplectenda fide Catholica, quin quaspiam a politica lege stabilitas solemnitates ante transitum vel in transitu observandas habuerint. Deinceps in sequelam novellaris legis acatholici ad fidem Catholicam transire cupientes iisdem prorsus conditionibus respondere debebunt, sine quibus Catholicis fidem mutare cautum est. Nimirum juxta novellarem legem etiam acatholicus suam ad fidem Catholicam transeundi intentionem coram duobus, per se assumendis testibus, Pastori insinuabit, et post quatuordecim dies, vel ad summum ante effluxum triginta dierum suam in hoc proposito perseverantiam coram duobus rursus abs se adhibendis testibus eidem Pastori declarabit, atque ab illo super insinuatione semel ac iterum apud eum facta testimoniales litteras requiret, qui si testimoniales litteras sive super insinuatione prima, sive super declaratione altera extradare nollet, testimoniales requisitas exarare ad testes in insinuatione prima ac altera praesentes pertinebit. Transire volens 1
