A Győri Püspökség Körlevelei, 1866
Tartalomjegyzék
5 fallendum tempus misceri consueverunt. Quid de his statuendum sit, ne forte prolata nostra sententia nimis rigidi videamur censores, juvat audire Doctorem mellifluum in haec verba disserentem: „Nemo vestrum, fratres, parvi aestimet tempus, quod in verbis consumitur otiosis: siquidem tempus acceptabile est, et dies salutis. Volat verbum irrevocabile, volat tempus irremeabile, nec advertit insipiens quid amittat. Libet confabulari, ajunt, donec bora praetereat. O donec praetereat hora! o donec pertranseat tempus! donec hora praetereat, quam tibi ad agendam poenitentiam, ad obtinendam veniam, ad acquirendam gratiam, ad gloriam promerendam miseratio Conditoris indulget! donec transeat tempus, quo divinam tibi repropitiare debueras pietatem, properare ad angelicam societatem, suspirare ad amissam haereditatem, aspirare ad promissam felicitatem, excitare remissam voluntatem, flere commissam iniquitatem! Sic nimirum, sic agricolae, cum diu desiderata adfuerit opportunitas seminandi; sic vinitores, cum exspectatum tempus putationis advenerit, invenisse occupationes, et quasi irreprehensibiliter sine opere diem transegisse laetantur?“ 30) Haec dum animo revolvimus, suapte quodammodo insonare auribus nostris videntur verba Apostoli hortantis: „Videte itaque, fratres, quomodo caute ambuletis, non quasi insipientes, sed ut sapientes, redimentes tempus, quoniam dies mali sunt.“ 31) Ecquod aliud ad annum auspicato inchoandum prosequendumque salubrius nobis ingeminari potest monitum, quam quod his Apostoli verbis continetur? Scilicet, ut omnem nostram agendi conversandique rationem ad prudentiae christianae placita componamus; neque aemulemur insanos, qui „bonum tenentes manibus, non ante id animadvertunt, quam amiserint,“ 32) sed potius sapientes, qui fini maxime idonea diligenter circumspiciunt, seduloque adhibent media; atque adeo tempus redimamus, id est, summa sollicitudine, omni pretio, quarumvis rerum dispendio (ut mercatores solent) avidi captemus opportunitates aliquid lucri spiritualis adipiscendi, et censum pietatis ac virtutis provehendi, in hac praesertim temporum iniquitate, qua pestiferis doctrinis, pravis exemplis, et scelerum irritamentis omnia late inundantibus, facile, ni cauti simus, in discrimen salutis impellimur. Gratia Domini nostri Jesu Christi vobiscum. Caritas mea cum omnibus vobis in Christo Jesu Arnen. 33) Datum Jaurini in Circumcisione D. N. J. C. die 1. Januarii 1866. In Pándorf munus ludirectoris per obitum vacat, pro quo praesentibus concursus usque finem hujus mensis duraturus cum eo publicatur, ut competituri supplices suos patrono scholae Exc. Comiti Francisco ab Harrach inscriptos D. Vice-Archi-Diacono et parocho Pándorfensi exhibeant. Emolumenta stationis videantur in Circularibus ddto. 13. Decembris 1863 Nr. 3454 dimissis Htteris. Nr. 20. Vacans statio ludimagistri in Pándorf concursui exponitur. Jaurini, die 1. Januarii 1866. 30 De divers. Serm. 17. n. 3. Opp. t. 2. — 31) Ephes. 5, 15. 16. 32~) Κακοίγνωμαι?! τ αγα^ον^εξοΓν ϊ'χρντις όυχ'ίίΓοισΊ,πζίν τις ίκβάλγ, Sophocl. Ajax ν. 964.— ι. Cor. 16, 23. 24. 2
