A Győri Püspökség Körlevelei, 1866
Tartalomjegyzék
100 Nr. 2405. Francisci Putz, Abbatis et Lectoris Canonici obitus. Nr. 2406. Parochia Gyomoré concursui exponitur. Reverendissimus Franciscus Putz, Abbas, Cathedr. Ecclesiae meae Lector ac Canonicus, post patientissime toleratos diuturni et gravis morbi dolores anno aetatis 71, Sacerdotii 47 die 30. Augusti h. a. pientissime animam suam Creatori reddidit, cujus animae refrigerii sedem, quietis beatitudinem et luminis claritatem Deus indulgentiarum Dominus misericorditer concedere dignetur. In Rákos, die 4. Sept. 1866. Antonius Grosz, Vice-Archi-Diaconus et parochus in Gyomoré, anno aetatis 61, Sacerdotii 38, pie susceptis Sacramentis moribundorum mortuus est, cujus animam dum solitis fratrum suffragiis commendo, pro vacante, quam tenuit juri patronatus Illustrissimi D. Pauli Comitis Eszterházy de Galantha, Perpetui in Fraknó obnoxia, parochia praesentibus concursum, usque 20. mensis Octobris h. a. duraturum publico. In Rákos, die 4. Sept. 1866. Nr. 2407. Pro vacante parochia Ászár concursus indicitur. Josephus Kiss parochus Ászáriensis, vix aegre valere coepit, mox ex hac mortali vita ad aeternam die 30. Augusti h. a. evocatus est. Vixit annos 61, in Sacerdotio 34. Inopina morte ereptus piis ad aram suffragiis suorum Consacerdotum suffulciendus est, quatenus animam ipsius Deus veniae largitor, et humanae salutis amator ad perpetuae beatitudinis consortium pervenire concedat. Pro vacante taliter reddita parochia, cujus patronus est Excellentissimus D. Mauritius Comes Eszterházy de Galantha, Perpetuus in Fraknó, praesentibus concursum vulgo, usque diem 20. Octobris h. a. duraturum. In Rákos, die 4. Sept. 1866. Joannes m. p. Episcopus.
