A Győri Püspökség Körlevelei, 1865
Tartalomjegyzék
131 JVr. ΛΊΓΜΙΙ. Μ agna gratulatione, et erectis in laetam fiduciam animis, consalutarunt omnes sinceri patriae cives benignum Majestatis Suae Sacratissimae diploma, quo publica regni comitia ex instituto moreque majorum celebranda, ad diem 10-am imminentis mensis decembris convocantur. Magnanimitatis nempe regiae ac benevolentiae suae insigne editurus argumentum Princeps Augustissimus, ultro Ipse occurrit, et oblata opportunitate afflictis ac paene prostratis rebus nostris via legali opitulandi, ad capienda ejusmodi consilia invitat, quibus definito utrimque jurium ambitu, veteres formae nonnihil interceptae, in quantum expedit, revocentur, et mutuus regem inter regnumque nexus arctiore nodo ad- stringatur, nullis in posterum vicissitudinibus laxandus. Si quis umquam fuit eventus annalibus nostris consignatus, aleae plenus, spe opimus, exitu trepidus, et consectariorum foecundus; huic profecto par proximusque censeri debet is, quem indicta comitia parturient, in quibus de summis, quae nationi cuivis sanctissima esse solent bonis aut adipiscendis firmandisque, aut amittendis, nec facile amplius recuperandis decernetur; eo enim illa diriguntur, ut instaurato ac nova veluti vita animato universae societatis nostrae civilis organismo, vitiata sarciantur, labefactata consolidentur, vetustate obsoleta removeantur, et quae aetatis indigentiis sunt accommoda, inducantur: quae quidem satis ostendunt, quantum ponderis ac momenti comitiis his tribuendum sit. Quanto vero hoc momentum majus est atque praestantius, tanto majore providentia curandum, ut omnia in illis temperate, et defaecata judicii maturitate, atque ad justitiae sapientiaeque rationem pertractentur; ne forte, „ut evenit in consiliis infelicibus, optima videantur, quorum tempus effugerat,“ <) aut necessaria putentur, quae salva imperii firmitate, admitti nequeunt. Quodsi generosa vereque paterna, tam illustri documento contestata, Principis optimi intentio, ut par est, suspiciatur, et patriae commodis studiosos inveniat animos: dubium non est, eum baec comitia habitura successum, ut abolitis, quae praeteriti temporis iniquitas attulit damnis, et oblitteratis malorum, quae invalescere coeperunt vestigiis, novus in Hungária rerum ordo stabiliatur, ex quo prisca gentis dignitas et gloria, communisque civium prosperitas efflorescat, novumque ipsi Monarchiae robur accrescat. At vero optatus hic, et flagrantissimis bonorum omnium votis expetitus comitiorum successus non alio sperari obtinerique potest pacto, quam si deliberaturi de coorNr. 3100. Comitia Regni indicta — DD. Parochi populo bene consulant circa deputandos ad illa viros. S. Devotio ordinatur pro felici Comitiorum successu. lj Tacit. Hist. I. 39. 26
