A Győri Püspökség Körlevelei, 1861
Tartalomjegyzék
44 Nr. 1346. V. Clerus Dioecesanus ad onera Missarum PP. Franciscanis provinciae Bosnae Argentínáé alias incumbentium suscipienda provocatur. hminentissimus ac Reverendissimus D. Cardinalis, Princeps Primas Regni et Archi-Episco- pus Strigoniensis sub 17-ma curr. Nr. 1830. sequentes ad me exarare dignabatur litteras : „Illustrissime ac Reverendissime Domine Episcope. Provincia regularis Rosnae Argentínáé cum consensu Sedis Aplicae et cum adprobatione C. R. Internuncii Austriaci ad onus suum suscepit Institutum S. Georgii Galatae Constantinopoleos, consistens ex antiquissima Ecclesia et vasto Religiosorum Conventu. Ecclesiam , collecto inter C. R. subditos aere, Internuncius restauravit, Conventum autem, relicta Patribus una ala — convertit in Hospitale pro C. R. subditis, Religiosis ad colligendas per Ditiones Austriacas pias eleemosynas relegatis. Inhaeret taliter Provinciae onus centum mille Anorum cum annuo interusurio, cujus oneris exigua hactenus pars depurata existit. Collecta vero, quam Religiosi Provinciae cum summo fatigio ab annis instituunt, arduis his temporibus minime succedit. Hoc in rerum situ Delegatus Provinciae P. Philippus Pasalich , actu Budae moras trahens, mihi supplex factus est, velim Excellentissimos ac Illustrissimos Dominos Praesules Hungáriáé interpellare, quatenus Provinciam Bosnae Argentínám, de Religione Catholica optime meritam, adjuvare dignentur, suscipiendo per Clerum dioecesanum certum numerum gratuitorum Sacrorum, qualium Provincia 18 millia habet. Susceptis gratuito istis 18 mille Sacris, notabile Provinciae subsidium accederet. Precibus praefati Provinciae Delegati eo minus dubito deferre , quod in mentionato Hospitali multi nostrorum quoque nationalium, puta: hungari, illyri, slavi curam et consolationem spiritualem pariter ac physicam nanciscantur, ipsum proinde Institutum subsidiis nostris dignum omnino mihi videatur. Sustineo itaque Illustritatem Vestram nomine toties fati Delegati Provinciae humanissime interpellare, quatenus precibus illius inclinata, Clerum suum dioecesanum ad suscipiendas hujusmodi Missarum intentiones provocare, et si quid Missarum susceptum fuerit, numerum mihi subin indicare dignetur. In reliquo aestimatissimis affectibus commendatus singulari cum cultu persisto Strigo- nii die 17. Maji 1861. Illustritatis Vestrae obligatissimus servus Joamies Card. A.-Eppus.“ E tenoribus harum litterarum intelligimus cum quae sint indigentiae PP. Franci- scanorum Bosnae Argentínáé, tum quod iisdem subvenire possimus alleviando onera Missarum, quibus illi premuntur. Qui e V. Clero hujus Dioecesis Missas ad praedictam intentionem absolvere, atque sic salutare opus restaurationis aedium conventualium promovere cupiverint, hanc suam piam voluntatem una cum numero Missarum abs se persolvendarum ocyus ad meam notitiam perferre haud intermittant. Jaurini, die 31. Maji 1861.
