A Győri Püspökség Körlevelei, 1861
Tartalomjegyzék
45 lllmus D. Michael Fogarasy, el. Episcopus Scutariensis et Ecclesiae Magno-Varadinensis I. r. Canonicus sermones sacros vario tempore abs se pronunciatos typis imprimi curavit, ac publici juris fecit sub titulo: „Keresztény Igazságok egyházi beszédekben.“ Tomus primus paginis 440 et alter paginis 401 absolvitur. Occurrunt autem in primo Tomo sermones pro Nativitate D. N. J. C. quatuor; pro novo anno duo; pro Epiphania tres; pro Paschate sex: pro Ascensione Domini duo; pro Dominica Pentecostes quatuor; pro solemnitate Corporis Christi quinque; pro SSmo Corde Jesu unus; pro feria V-ta in Coena Domini unus, item unus pro feria VI. in Parasceve. In secundo Tomo continentur pro Festo Immaculatae Conceptionis B M. V sermones quinque; pro Annunciatione unus; pro Assumptione duo; pro Festo 00. SS. unus; in Dedicatione Ecclesiae duo; pro devotione 40 horarum tres; pro solemnitate Primitiarum unus, item unus in depositione lapidis angularis neo-erigendae Ecclesiae; duo in benedictione Calvariae, denique sex sermones quadragesimales. Unde multiplex sermonum varietas elucet, de quorum insigni praestantia auctoris vasta eruditio, zelus item, quo flagrat, gloriae Dei et salutis animarum vadem praebet, ut adeo hocce opus omni commendatione dignissimum pronunciare non dubitem. Utriusque Tomi pretium defixum est in 3 fl. et 50 xr. austr. mon. Qui libris his potiri cupiunt, illos ope Cancellariae Officii mei procurare poterunt, quorsum scopo hoc se convertere, et praeexpositum pretium submittere velint, Jaurini, die 31. Maji 1861. tielationem annuam Unionis Viennensis, quae sub invocatione S. Bonifacii dispersorum in oris protestanticis Germaniae pauperum Catholicorum necessitatibus religiosis subvenit , simul cum rationibus de anno 1860. in duobus exemplis ad singulos Districtus Vice- Archi-Diaconales juxta praesentes dimitto, et hac etiam opportunitate piissimam Instituti illius causam Vener. Clero Dioecesano commendo. Jaurini, die 31. Maji 1861. Schola Catholica in possessione Szend paucos ante annos ferali incendio in triste bustum conversa est, in cujus vicem novum scholare aedificium exstrui debuit. Qui planum novarum aedium elaboraverunt , quive ad illud executioni dandum Communitatem Catholicam auctoritate sua coegerunt, non attendebant, quid membrorum Communitatis valeant humeri, et quid ferre recusent ; sed neque id apud animum suum expendebant, obligationem novam e fundamentis scholam aedificandi paucis iisque incumbere Szendensibus incolis , qui ipsi ob idem incendium gravissimum suis in bonis damnum passi fuerunt. Atque sic factum, ut schola quidem exstructa sit, sed Communitas Catholica adhucdum onere prematur 1767 fl. 57‘/2 xr. a. v., quos eadem opificibus debet. Quum a debito hoc Catholici Szendenses propriis viribus immunes reddi nequeant , ad actuosam fratrum , proximorumque suorum chari- tatem, beneficentiamque recurrere ac appellare voluerunt. Supplicuerunt itaque Excelso Consilio R. Lottali pro concedenda sibi facultate in Comitatibus Comaromiensi, Jaurinensi, Mo- soniensi, Soproniensi, Albensi, Strigoniensi ac Pestiensi charitativa subsidia colligendi, quam facultatem etiam impetraverunt. Qui supplicanti Communitati quod potui, mea e parte Nr. 1347. Sermones sacri ab Episcopo Michaele Fogarasy editi commendantur. Nr. 1358. Relatio annua Unionis S. Bonifacii. Nr. 1387. Szendenses Catholici charitatis subsidia petunt.
