Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
vom hungerischen zechmaister Saba Weillendtenn, ain guldenn neunvnndvierzig phennig hung[erisch], wann nun sy gemain burger iren resst daruon ziechenn, so verbleiben sy einer ersamben gmain in disem, nach ainvnnd sibenzig guldenn drey phennig hung[erischen] zuuerraitten schuldig. Was die raichenden gaben steur vnnd anderß, des sy alß gemain burger einnemen, vnnd wider außgeben werdfen], bet[rifft], sollen sy hernach auf das khunfftige dreivnndachzigiste jar zu anfanng wie vnzhero preuchig gewesen, ornndentlich zuuerraitten wissenn. Actum den zweifiten february anno [etc.] [ 15]82 ist[en], 82. (1.118.r.) An der zechmaister, vnnd weinherrn raittungen sein die gannze gemain auch vollzufriden gewesenn, sy derowegen frei vnnd ledig gesprochen vnnd was sy zuthuen verblibenn, denn gmain bürgern neben anndern zu empfahen anbehendigt worden. Actum denn 12 february anno [etc.] [15]82 ist[en], 1582. február 20. 83. (I. 118.r.-l 19.r.) An heüt dato habenn herr Felix Seitmann statt richter, Hannß Müllwagner, Sebastian Khleperger, vnnd Lorenz Geiger alle burger vnnd des innern rats alhie, von einer gannzen ersamben gemain daselbst[en] mit vorwissenn vnnd zuegeben herrn haubtmannß [etc.] alles leutgeben von wein, vnnd pier auf ain jahr lang dergestalt per ain tausent guldenn reinisch bestanden, nemblichfen] auf negste ostern diß jars, sollen sy denselben bestanndt mit allem leutgebenn vnnd ornndtlicher paar, wie indennen destwegen aufgerichten conträcten begriffen anfahen, vnnd was innen entzwischen mit der khayserlich[en] paan vnnd anndern abgestrückht wuerde, das solle innen widerumben erstat vnnd solliche oder so vili zeit, zu bemeltem jar geben werdenn. Entgegen sollen sy zu erkhauffung Purckhhardt Peckhen burgers alhie behaußung, oder zu anndern der gemain nuzlichen notturfften in werenndten bestanndt, die berüertten tausent gulden reinisch richtig machen vnnd erlegen. Actum denn zwainzigisten tag february anno [etc.] [15]82 ist[en], 84. (I. 119.r.) Was die gaben vonn denn weinen dem gemachten anschlag nach betrifft, die ist hiemit weillen das leutgeben verlaßsenn, auf negste osternn zu anfang des weinbestanndts aufgehebt. Die steur von heusern vnnd hanndl aber, sollen einen alß denn anndern weg, wie es beschlossenn vnnd vor vermeldet wordenn, geraicht werd[en]. Actum denn zwainzigist[en] february a[nno] [etc.] [15]82 ist[en]. 1582. március 4. Martius 85. (I. 120.r.-120.v.) Zwischen maister Benedicten maurer alhie clagernn ainß, dann Christoff Wolffen daselbst [en] beclagtenn anderstailß, ist durch richter vnnd 125
