Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
rath verlassenn, weillen Schneider dem maurer, für gepeu seines hauß, daran noch etliche arbait zuuerrichten, irem beschluß nach noch neunzehen guldenn reinisch schuldig, so solle maurer dasselb vollennds fertigen, vnnd ine der Schneider bezallen, oder sollen die arbait ornndtlich schäzen lassenn vnnd darnach abfertigenn, wonit so müge Schneider dem maurer für seinen verdiennst zehen gulden reinisch richtig machenn, vnnd einen anndern wenn er will die ausstendige arbait machen lassen. Actum denn vierten marty a[nno] [ 15]82. 86. (I. 120.V.) Durch richter vnnd rath ist Naigdt Istuann burger vnnd hanndlßmann alhie, sein negste verwirchte straf das er mit einem frembden vnnd außwendigen gehanndlet, auf vleissig ansuchen vnnd bitten, der gestalt das ers hinforth gewislichen meiden solte, nachgelassenn vnnd begeben worden. Actum denn viertten tag marty anno zwayvnndachzigist[en]. 87. (I.121.r- 122.r.) In der sachenn derwegenn Bodisch Müllner söldner wider N. Temeter, beede alhie, fürkhumen, vnnd sich beschwert, wie das inne Themeter alß beclagter, ann seinen ehrn gescholtenn, mit einem säbl über inne geloffenn, auch sein weib verlezt, gesagt seine khinder sein huern khind[er] so er doch frümber sey dann beclagter, der auf ein zeit ein holz entfrembdet. Darauf beclagter Temeter fürgebenn, er habe woll wegenn hienner so er verlohrn gescholtenn, habe aber denn clager nit vermaint, weillen er sich aber darumben angenumen, vnnd vernemen lassenn, er wolte in von seinem hauß treibenn, habe er seinen säbl zur fürsechung zu ime genumen, das bemelte holz habe er wie jne clager vnschuldig bezeiche, nit entfrembdet: sonndern Frenz Istuan mit deme ers erweisen khünde, habe imß dort malß auf sein bit vnnd ansprechen geschenckhweiß wid[er]fahrn vnd zuesteen lassenn. N. Temeter stelt hiemit wider Bodisch Müllner, Frennz Istuan burg[er] vnnd des innern rats, zum zeugen für. Zeug sagt ja, er habe diesen zeugenfüerer ein holz daruon geret wierdt, auf sein bitten haimb zutragen erlaubet vnnd vergünstigt. Demnach vnnd hierauf haben richter vnnd rath, dise Sachen vnuerlezt jedem seiner ehrn genzlichen aufgehebt, vnnd beede thail zur straff leuchtferttiger reden, inß kheterl verschafft worden. Actum denn vierten martiji] anno [etc.] [15]82 ist[en]. 1582. március 14. 88. (I. 122.r.-123.r.) In der sachenn derwegen herr Felix Seitmann stat richter alhie clagern an ainen, wider Horbat Jörgen mitwonner daselbsten, beclagtenn anderstailß fürkhumen belanngentn nachdeme er denn beclagten verschiner zeit, wegen eines Alfedi deme er schuldig, vnnd offt beclagt wordenn, gerichtlich einziechen müessen, vnnd inne hernach auf sein bitten, so er durch Ambroß Hainzen burger daselbsten, thuen lassen, vnnd selbstfen] villmallen gethann, der gefenckhnuß so weit bemüessigt, 126
