Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)

D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582

Hannß Müllwagner, Hannß Wenuß, Stasstl Khümerl, Georg Taninger, Naigdt Istuann, Gabriel Schwarz, Balthauser Khloß, Georg Anndree, Scallemi Tomasch, Nery Istuan, Saba Marthann, Mayr Embree, Todt Niclosch, Missarusch Andreaschin, Frenz<i>2 Istuann, Saba Mathe, Schoß Mathe, Burgckhardt Peckh, Hannß Gaba, Matheß Hauer, Hannß Obermair, Hannß Englramb, Georg Schmidt, Gregor Öchsl, Loschannzi Istuann, Pedusch Janusch, Schoß Georgl, Lucasch Hugerl, Tobay Benedict, Tuschrasch Vrschl, Lorennz Häberler, Cunrath Träxler, Missarusch Mattiasch, Vlrich Vischerin, Saba Weillenndt, Werezkhi Temetter, Galle Janusch, Ambroßsi Hainz, Naigdt Michal, Vallentin Fürsst, Secerusch Marthann, Todt Mattiasch, Mayer Anthall, Frennz Burger, Naigdt Mattiasch, Saba Georgl.

70. (I. lll.r.-lll.v.) Anschlag der gabenn auf diß zwayvnndachtzigiste jahr. Durch richter rath vnnd gemain, ist an heüt dato, beschlossenn vnnd verlassen wordenn, das ein jeder burger vonn seinem hauß, das jar zu steur raichen vnnd geben solle, benentlichen vier guldenn hungerisch, vnnd innsonderhait die khaufleut, von irem hanndl, zehen gulden hungerisch.

Item vonn denn wein so lanng das leutgeben frey ist, solle mann von einem auß geleutgebtem eimer wein, acht phennig hungerisch, vnnd vonn einem vnndern raiffen verkhauffenn emer weinn, vier phennig hungerisch zuerlegen schuldig sein, die söldner vnnd inwonner aber, sollen ire gabenn wie zuuor beschehen richtig machenn.

1582. január 22.

71. (1.11 l.v.-l 12.r.) Dennzwenvnndzwainzigistenjanuari [i] anno zwayvnndachzigisten, ist der römfisch] khay[serischer] M[ais]t[äts] ränntmaister, herrn Hannß Tätschen, durch richter vnnd rath, Micheln Pairn gewesten burgers vnnd fleischhackhers daselbsten behaußung, gegen vollgendem seinem erpietten, der gestalt zukhauffen, vnnd das burgerrecht darauf bewilligt vnd zuegelassen wordfen]. Nemblichen das er solliches zu khainem freyhauß außbringenn, sonndern allerdings wie es vorhin gewesenn, bleibenn lassenn, vnnd alles das jenige ausser seiner personn vnnd ambts, daruonn zuthuenn vnnd zuraichen, was anndere burgfer] phlichtig vnnd schuldig sein, auch derwegen da mann bedennckhen haben wuerde, einen genuegsambenn reuersch zu gericht dargeben welle vnnd solle. Actum vt supra.

72. (I. 112.r.) Pedusch Janusch ist auch an heut dato, durch richter vnnd rath, das burgerrecht, auf Simon Pibingers behaußung, welliches er kheuflichen an sich bracht, bewilligt, vnnd in das darumben gebierende glüb genumen worden. Actum denn zwenvnndzwainzigisten january a[nno] [etc.] [15]82 ist[en].

2 Későbbi betoldás.

122