Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
73. (I. 112.V.) An heut dato ist mit herrn magister Micheln Fidler predigiantenn alhie beschlossenn, das sich khunfftig sein diennst zeit, alle neue jar, anfahenn, vnnd widerumben also endten sollenn, die zeit ain mannet so übrig gewesenn, ist ime insonderhait vnnd mit aindlf guldenn fünfzig phennig hungerisch bezalt word[en]. Actum, denn zwenvnndzwainzigisten january anno zwayvnndachzigistenn. 74. (1.112.V.-113.v.) Was das fürbringen herrn Stattrichters Felixen Seitmann, wider Naigdt Michäln burger vnnd hanndlßmann alhie, belanngt, wegen das er Naigt Michal sein leibliche muetternn, Gott vnnd der natur zuwider, ghreilichen geschlagenn, vnnd ime herrn richter auf sein begernn, vnnd ermanungen bey seinem aydt, vnnd zwenvnnddreissig guldenn hungerisch, inbeisein etlicher burger, nicht allain nit gehorsambt, sonndern sich in disem vnnd mehrerm des gerichts vnpillichenn entsezt. Ist hierauf vonn dem angesezten richter, vnd rath erkhennt, Naigdt Michal sey wegen seines vngehorsambs die zwenvnnddreissig guldenn hungerisch zur straf zuerlegen schuldig. Seines verprechen halber aber solle es auf herrn haubtmannß zuekhunfft ansteen, vnd weillen er Naigdt Michäl fürgeben sein muetter schlage im weib vnnd khinder, were offt trunckhenn, vnnd habe vor ir nit ruer sy habe sich auch also mehrers gefallen, dann ers geschlagenn, so solle er sy an anndere orth thuenn, vnnd benebenß nichts desto weniger, alß sein leibliche muetternn, wie dann einem sonn also woll vnnd pillich gebierth, notturffigelichenn vnnderhaltenn vnnd in khainerlay weg bey rechter straff verlassenn. Actum denn zwenn vnndzwainzigistenn january anno [etc.] [15]82 ist[en], 75. (1.113.v.-114.r.) Zwischen Purghardtenn Peckhen vnnd Naigdt Michäln, beedenn burgernn alhie, gebenn richter vnnd rath zum beschaide, sy sollen sich zusamben verfliegen, miteinander beraitten, vnnd was Naigdt Michäl dem Peckhen, von weillenndt Phillip [en] Meidlinger h[er]rüerent lautter schuldig sein wierdet gewislichen vnclaghafft halten vnnd mit eheistem zu friden stellen, wonit verer fürkhumenn vnnd ornndtliches beschaidts erwarttenn. Actum denn zwennvnndzwainzigisten january anno [etc.] [15]82 ist[en]. 1582. február 12. Februarius 76. (I. 115.r.) Durch richter vnnd rath ist Wolffenn Springinsfelt pindter vnnd khriegsdiennstmann, auf der khayserlichen port[en] alhie, auf anhalten vnnd begern, das mit burgerrecht bewilligt, vnnd darumben das preuchig glüb gelaistet word[en]. Actum denn zwelfften february anno [etc.] zwayvnndachzigist[en]. 77. (I. 115.r.-115.v.) Balthauser Pauschlemb schuester, ist durch richter vnnd rath, biß auf herrn haubtmannß wollgefallenn, das mit burgerrecht vergünstigt, vnnd 123
