Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
1581. június 7. Juniuß 38. (I. 74.r.-75.r.) Denn sibenden juny anno [15]81 ist[en] ist Babara Hamblin, auf herrn Christoffen Amberpachs röm[isch] khay[serischen] M[ais]t[äts] gegenschreiber des ober dreißsigistsambts Hungerischenn Altenburg alhie [etc.] gethannes schriftlich begernn vnnd anzaigen, das sy ihme sambt seiner hausfrauen höchlichen geunehret, vnnd in seines wierts behaußung vnzucht geüebt hette, zu gerichts hannden genumen vnnd darumben zu ret gesteh wordenn, vnnd nachdeme sy fürgebenn sy hette herrn clager vnnd sein haußfrau, khainer anndern gestalt gescholten, alß weihen sys vnzucht so sy beganngen habenn solle, vnschuldig bezigenn. Das sy selber nit erbar sein müessen, dann ir hieran groß vnrecht beschehe, vnnd khüne in ewig zeit nit auf sy bewisen werdenn. Ist solliche ire entschuldigung, vnnd das mann merers vnnd lautters beweiß von nötten, herrn clager, durch zwenn des rats alß Lorenzen Geiger vnnd Gabrieln Schwarzen, anzaigt word[en], wellicher darauf vnnd hinwider herrn richter vnnd rath entbotten, das deme wie er geschriben also sey, vnnd solliches mit seinem vnnd des haußgesindts, auch das sy berierte büeberej mit dem Schlessinger im dreissigist hoffbeganngen, vnnd ihme zum warzaichen zwen silberen phennig, vnnd annders geben habe, darthuen welle. Hierauf durch gricht die beclagte widerumbenn in fengckhlichen verhafft biß auf verern vnnd weittern beschaidt verorndtnet, vnnd die derowegen bedüerfftige weißung auf negstkhumenten montag angestelt vnnd bestimbt word[en]. Actum vt supra. 1581. június 12. 39. (I. 75.r.-76.r.) An heut dato, denn zwelfften juny anno ainvndachzigistenn, hat herr Christoff Amerbach römfisch] khay[serischen] M[ais]t[äts] oberdreissigists gegenschreib [er] alhie zu Hungerischen Altenburg [etc.] wider die Barbara Hamblin nachbenanten zeugen zuuerhör[en] wie am nagsten verlassen worden fügestelt, wellicher in der güette bespracht, vnnd wie gerichtspreuchig vmb sein wissenhait darumben er zuentgegen, mit rechtem aitgentlichen grundt der warhait anzuzaigen vermanet. Nätl Mann bey 16 jahrn, obbemeltes herrn Amberpachs gutschy pueb. Sagt damallen zwischen aindlf vnnd zwelf vhrn, in der nacht habe er vorernenten Schlessinger vnnd dise Hamblin in seines herrn wiertshoff beieinander stehen gesehen, vnnd reden hören, er wisse aber nit was sy geredet, vili wenig [er] ob zwischen innen etwas verbottens vnnd vnzüchtiges beschechen, so vili vnnd anderst nichts khüne er anzaigen. 40. (I. 76.r.) Der hungerische goldtschmidt alhie, ist wegen das sich herr Hannß Müllwagner, vnnd Lorenz Geiger beede burger vnnd des innern rats, wider inne derhalben beschwerth, das er offenndtlich außgeben solle, vnnd sich vernemen lassenn, 109
