Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
1581. május 19. 29. (I. 66.r.-67.v.) Leonhardt Froschmairin stelt negste zeugin alspalt[en] vnnd die anndernn denn neunzehenndten may [15]81 ist[en] wider die khierschnerin zuuerhorn für. Mattheß Hauers burgers alhie hausfrau, hat damallen gesaget, ja si hette von d[er] khierschnerin gehört, das si geredet es sein sechs eheweiber alhie huern. Alß mannß aber h[er]nach neben anndern zeugen so volgen widerumben vnnd von neuen verhört vnnd vernumenn, sagt si, sy hette negste ir saag nit wie siß geredet vermaint, sond[er]n die khierschnerin habe vermeldt, die wagnerin alhie solte das jenige das sechs eheweiber solliche sein sollen geredt habenn. Hannsen Peurls einers weinzierdls zu Neusidl beim See hausfrau, zaigt ann si sey mit d[er] khierschnerin, wagnerin, vnnd anndern mehr gehn Prespurg auf denn marckht gefahren, da habe die khierschnerin zu irem pueben gesagt, du hast deß Verwalters huet vnnd mendeeg, vnnd er wierdt deiner Schwestern alß der zeugenfüererin einen schuern auch khauffen, auch meltedt die wagnerin, es gehet khain Schreiber zu mier, es khaufft mir auch khainer nichts, waiß nit bin ich nit schönn genueg od[er] wieß khumbl, sy lauffen nur in die huern winckhl. Vnnd vonn der khrumpen Schneiderin auch so vili geredet, ir hauß sey eher dann mannß auspaut credent wordenn, aber von sechs weniger oder mer eheweibern so alhie vnnd nit fromb sein sollenn, habe si nichte gehört, vnnd khünde also nit mer sag[en], Marx Wachterin alhie, sagt si wisse von diser handlung nichts anzuzaigen. Hüerüber dise stritige Sachen genzlichen aufgehebt, vnnd der Froschmairin durch herrn haubtmann, irer gebierundten straff, weihen si ir fürbringen nit genuegsamb weisen khünen, mit gnaden erlassen, vnnd ernnstlichen auferlegt wordenn sich hinfüran gewislichen vnd bey vnableslicher straff diser vnnd dergleich [en] hanndlungen zuentthaltenn. Act[um] vt supra. 1581. április 24. 30. (I. 67.v.) An heut dato habenn richter vnnd rath, die sechzig taller so Hannß Luckhmann, seines brud[er]n Galln Luckhmannß khindt, erlegt zur gemain notturfften, mit dem gewendtlichen interessé entnumen. Actum denn 24 april a[nno] [etc.] [ 15]81 ist[en]. 1581. május 19. Mayus 31.(1.69.r.) An heüt dato, haben herr richter vnnd rath, mit bewilligung einer gannzen gemain, die wein auf die gemain gehörig, von Micheli negstkhument ann zu leutgeben beschlossen. Actum denn neunzehenndten may anno [etc.] [15]81 ist[en]. 106
