Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
32. (I. 69.r.-69.v.) Item so ist auch durch richter vnnd rath beuolchen vnnd verornndtnet wordenn, das khainer dem anndern sein graß vnnd heye auf denn wißmatenn vngebierlicher weiß abmäen vnd hinweckh füren solle. Actum denn 19 may anno ainvnndachzigisten. 33. (I. 69.v.) An hebt dato ist durch richter vnnd rath Loschaizi Istuan, auf Hannsen Luckhmanns gewesten burgers behaußung, so er kheufflichenn an sych gebracht, mit dem gerichts preuchigen vnnd orndtlich gelaisten glühe zu burger an vnnd aufgenumen wordenn. Actum den 19 may a[nno] [etc.] [15]81 ist[en], 1581. május 31. 34. (I. 69.v.-70.r.) An heut dato hat ein ersamber rath, vnnd gmain, denn statgraben alhie, herrn Felixen Seitmann stat richter, Hannsen Müllwagner, Schoß Georgl, Sebastian Khleperg[er], vnnd Lorenzen Geiger, des innern rats, Schoß Mathe, Mißsarusch Mattiaschen, Matthesen Hauer, vnnd Misarusch Michaln, allen bürgern daselbstenn, auf zehen jarlanng per zwayhundert taller, also vnnd d[er] gestalt bestanndtweiß verlassen, nemblich[en] das sy järlichen an beriertenn zinßgelt, was sich gepüert alß zwainzig taller erlegen, vnnd dargegen bemeltem grabenn, vonn negstkhumentfen] tag Micheli dises gegenwierdtigen jars zu all iren nuz vnnd fromen zugeniessen vnnd zugebrauchen anfachen sollen. Actum denn lestenn may a[nno] [etc.] [15]81 ist[en]. 35. (I. 70.r.-70.v.) An heüt dato, ist durch h[er]rn richter vnnd rath Missarusch Mattiaschen burger vnnd hanndlsmann alhie, auferlegt vnnd auf sein selbst [en] erpietten verorndtnet word [en], das er sich auf der h [er] rnn von Prespurgg schriffflichen begern, wegen Caterina seiner verstorbnen hausfrauen, vnnd deren mitgeschwistretenn vätterlich[en] erbguet halbenn, auf negsten sibenzehend[en] juny diß werendten jars, gewislichen dahin alß gehn Prespurgg verfüege, vnnd dise Sachen sambt anndern darumben er citiert wierdet, verrichten solle. Actum denn lesten may anno ainvnndachtzigin. 36. (1.70.v.-72.r.) In der sachenn derwegen sich Hannsen Englrambs burgers vnnd wagners alhie haußfrau clagerin an ainen, wider Matthesen Hauers auch burgers vnnd des aussern rats daselbstenn hausfrauen, beclagten anderstailß beschwert, belanngent beclagte were ir lanng feindt, vnnd nachdeme sy schwanger vnnd vor irer niderkhunfft sich mit dem hochwierdigen sacrament versehen lassen wellen, habe sy derwegen ir aindl die alt Joachim Schneid [er] in, zur ir geschickht vnnd fragen lassen, warumbenn sy ir feindt, habe sy ir was zuwider gethann, solle sich ercklären, sy wolle irs widerumben abbittenn. Darauf habe sy ir entbottenn, ein mann sey zue ir khumenn, vnnd gesagt, mein Hauerin wie khumbts d[as] euch die wagnerin also außricht, haist 107
