Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
Hierüber sein vmb besses vnnd mehrers grundts hernachbenante zeugen verhört vnnd mit irem wissen vernumen wordfen], Hannß Gaba burger vnnd des rats alhie, sagt das holz im winckhl[en] vnnd in des Märze Mattes hauß, habe er neben dem schuester auf herrn richters beuelch, wie fürkhumen vnnd verstanden befundenn, alß nun er der schuester, vnnd Maier Embrer, auf weitere h [er] rn richters verorndtnung neben vnnd mit dem Märze Mathe, das holz, vnnd derselben glegenhaiten, orth vnnd anders, recht ausfüerlichen zubesichtigen hinauß gefarn, sein also schuester, vnnd Märze Matte, mit angehörten schmach vnnd iniuri reden in hugerischer vnnd teutscher sprachen aneinander] khumenn, da habe ers vonn einander bracht, vnnd Hannsen Wenuß so innen begegnet mit genumen, wie sy nun das erste orth des abgehackhten holzes besichtiget, habenn sy das vngefehrlichen bey einem fueder weckh khumen befundenn, alß si nun verer an des annder orth ganngen, habe sich Märze Matte schuldig gebenn, vnnd lautter bestannden, er habe ja solliches vnnd jedes holz hackhenn vnnd weckhfüren lassen, in deme sey der schuester zu innen hinden hernach khumen, vnnd gesprochen gehets da her irnachbaurn, da hat er hacken lassen, vnnd sagt zum Märze Mathe schau wer der dieb sey eben da hastu hackhen lassen, darauf Märze Mathe widerumben vermeldet, so must du der erste dieb sein, hast eher gehackht alß ih, alda sy ein guets vnnd zimliches ort des abgehackht wordenn befundenn, über das sy der schuester wo er gehackht gefüert, da haben wie das es ja sein schuesters aigner luß sey erkhennet, also habe es sich allenthalben vnnd nit annderst des er woll sagen khunde, begebenn. Mair Embre burger vnnd aldtfoersster alhie, sagt vnnd zaigt ann, die Sachen haben sich am hinaußfahrn vnnd im wait, dahin jne herr richter neben den andern bemelten bürgern, auch abgesandet vnnd geschikhet, allermassen wie vom negsten zeugen Hannsen Gaba verstanndten zuegetrag [en], Hannß Wenuß auch burger vnnd des innern rats daselbstenn, zaigt an vnnder wegen habe inn Hannß Gaba dise beschau zuhalten vnnd zuuerrichten begehrt, des er also gethann, gesehen darzue des Märze Mattes bekhanntnuß angehöret, wie dann des erstenn zeugen saag lauttet, aber beim erstenn annfang sey er nit gewesenn. Gebenn hierauf richter inner vnnd ausser rath zum abschiedt, ob sy wollen gegen ime Märze Matthe seinem versprechen nach zuuerfahrn genuegsambe vrsachen hetten, so wollen sy ime doch solliche straff diß malß in ansehung seiner khinder, befreundten, auch deren von ehrlichenn herrn vnnd nachbaurn beschechnen vnnderhanndlungenn vnnd grossen fürbitte, sambt vnnd neben seinem zuegesagten erbiettenn, also vnnd der gestalt geben, nemblich[en] er solte erstlichenn herrn richter, vnnd Vrban schuester beeden clagern für die außgoßnen iniurien vnnd bezichtigung ein christliches abbitten thuen, welliches nun hinforth von khainer parthey bey einem peenfahl zweivnnddreißig ducatenn nimermehr geandet vnnd geäffert werde. Zum anndern solle er zur straff erlegten zehen taller, vnnd für des entwendte holz, wann man auf die gemain leutgeben wierdt, etliche fuhr mit wein verrichten, vnnd sich sonnsten 101
