Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)

D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582

berüertte schuldten so ime herr clager zuthuen ist, angenumen hat. Act [um] denn 30 january a[nno] [etc.] [15]81 ist[en].

1581. február 13.

13. (I. 53.r.) Burgckhardten Pecken Schneider vnnd burger alhie, ist hiemit durch richter vnnd rath, auferlegt wordenn, wanne er vnnd sein hausfrau ire behaußung, welliches sy sein hausfrau an yezo seiner ausfaillung nach nit verkhauffen lassen wellenn, hinfüran zuuerkhauffen willenß, das sys ainhellig vnnd vor einem ersamben rath wie preuchig ausfaillenn, vnnd sich anndern anzubietten, auch des zetl anschlagen wie beschehen bey straff vnnd gewislichen enthalt [en]. Actum denn 13 february a[nno] [etc.] [15]81 ist[en],

14. (I.53.r.-53.v.) Dem Michäln beim Lucasch Hugerl, vnnd Lorenzen N. seinem mitverwanten, beedenn knechten alhie, ist hiemit durch richter vnd rath, auferlegt vnd beuolchen wordenn, vonn den wein, oxen vnnd anndern, damit sy hanndien werdenn, ire gaben was sich gepieren wierdet wie anndere zuraichen, sich sonst [en] deß bey straff gewislichen zuenthaltenn. Actum denn 13 february anno [etc.] [15] 81 ist[en],

15. (I. 53.v.-54.r.) Zwischen Todt Petern, vnnd Getschkhimedi Petern, beedenn inwonnern alhie, ist durch richter vnnd rath, ire vnlauttere schuldtsachen vnnd strithanndlungen nachgenuegsamber erregung derselben, vmb verhiettung annderer notturfft, auf vnnd mit beeder thail übergeben vnnd compromihs [ion] dahin verglichenn vnnd ererttert wordenn. Also vnd neblichen das jeder thaill vonn dem bey gericht ligendten vnnd destwegen arestierten vierzig gulden, halben thaill alß zwainzig guldenn aufheben vnnd zu sich nemen solle, vnnd hierdurch ire fürgebrachte behelff vnnd allen derwegen habenden] strit neben anndern mehrern, genzlich vnnd allerdings aufgehebt, todt, ab, vnnd also widerumben zu guett christlichen freundten gesprochen. Actum denn 13. february anno [etc.] [15]81 ist[en].

16. (I. 54.r.) In heit dato ist durch richter vnnd rath, Georg Saurer ein crammer, auf seinen fürgebrachten abschiedt, zum mitburger vnnd inwonner alhie, an vnnd aufgenumen wordenn. Actum den 13. februari [i] anno [etc.] [15]81 ist[en],

1581. február 25.

17. (1.54.r.-58.r.) In der iniuri Sachen derwegen sich herr Felix Seitmann Stattrichter alhie, wider Märze Mathe burger vnnd hanndlßmann daselbsten, beschwärth, betreffent, nachdeme am nagsten im gemain waldt wie mann holz außgethailt, befunden wordenn, das etliche fuhrn holz abgehackht gewesen vnnd menigelichen das mann denn so es gethann straffen solle geschriern, seye er hernach vonn Vrban schuester berichtet

99