Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)
Oklevelek
5 10 15 20 25 30 35 40 45 1432 Oklevelek 251 Sigismundus Dei gracia Hungarie, Dalmacie, Croacie, Rame, Servie, Gallicie, Lodomerie, Cumanie Bulgarieque rex, marchio Brandenburgensis, Sacri Romani Imperii archikamararius, necnon Bohemie et Lucemburgensis heres omnibus Christi fidelibus, presentibus pariter et futuris presencium noticiam habituris salutem in omnium Salvatore. Regiam decet benivolenciam fidelium supplicationibus inclinari et eorum vota liberalius complere in hiis, que fidei merito precedente prioribus obsequiis noscuntur acquisi(vi)sse. Proinde ad universorum noticiam harum serie volumus pervenire, quod fidelis noster, nobilis vir, magister Gregorius filius Iohannis filii Osi de Azzonfalwa nostre maiestatis adiens conspectum exhibuit nobis quasdam litteras nostras patentes, secreto sigillo nostro moderno consignatas super nostro gracioso et benivolo regio consensu de et super dandis, donandis, perpetuandis et quomodolibet disponendis possessionibus suis acquisiticiis, per nos eidem adhibito confectas tenoris infrascripti, supplicans exinde claritati nostre humiliter et devote, ut easdem ratas, gratas et acceptas habendo ac nostris litteris privilegialibus verbotenus inseri et redigi faciendo innovantes perpetuo valituras dignaremur confirmare, quarum tenor is est: Nos Sigismundus Dei gracia rex Hungarie, Dalmacie, Croacie etc. marchioque Brandenburgensis etc. Sacri Romani Imperii vicarius generalis et regni Bohemie gubernator memorie commendamus per presentes, quod fidelis noster, nobilis vir, Gregorius filius Iohannis filii Osi de Azzonfalwa, Castriferrei et Soproniensis comitatuum comes ad maiestatis nostre veniens conspectum propositis suis fidelitatibus et fidelium obsequiorum gratuitis meritis, per ipsum culmini nostro sub diversitate locorum et temporum exhibitis, signanter elapsis disturbiorum temporibus, quibus nonnulli prelati, magnates, proceres et nobiles regni nostri ingrati et inmemores beneficiorum a celsitudine nostra largiflue perceptorum rebellionis calcaneo ducti, ymmo spiritu protervie seducti a sinu clemencie nostre se avertere acceptando inito fraudulento consilio, quomodo nedum dominum iustum spernendo refutarent, ymmo deterius dominum naturalem ab eis eliminarent, prefatus autem magister Gregorius mentem suam ad viam dirigens rectitudinis imitansque tramitem iusticie aliis fidelibus (nostris) adherens emulis nostris fideliter opponere se studuit, ut in numero iustorum meruit inveniri; hiis itaque peractis et commissis memoratus magister Gregorius Osi supplicans exinde nostro culmini, ut possessiones et porciones possessionarias inter ambitum regni nostri Hungarie habitas et in quibuslibet comitatibus existentes, quovis nominis vocabulo vocitatas, alias per nostram maiestatem sibi et suis heredibus donatas et iure perpetuo collates et signanter possessionem Zabar vocatam in comitatu Zaladiensi cum villis et possessionibus ad eandem spectantibus tam in vita, quam in morte cuicunque vellet dandi, obligandi et conferendi, eidem nostrum regium consensum pariter et assensum preberi et a nostra maiestate sibi dari postulavit. Nos igitur humillimis et devotis prefati magistri Gregorii supplicationibus antefatis per ipsum nostre subiective oblatis maiestati regia benignitate exauditis et clementer admissis eidem nostrum regium consensum pariter et assensum prebemus, ut dictas possessiones et iura possessionaria, ubilibet aut in quolibet comitatu existentes et adiacencia, signanter prefatam possessionem Zabar vocatam cum villis ad eandem spectantibus et pertinentibus, in dicto comitatu Zaladiensi existentibus antefatus magister T
