Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)
Oklevelek
5 10 15 20 25 30 35 40 252 Oklevelek 1432 Gregorius easdem tam in vita, quam in morte cuicunque voluerit dandi, donandi, obligandi et conferendi regia nostra auctoritate liberam et securam habeat potestatem. Datum Bude, in festo Circumcisionis Domini, anno eiusdem millesimo quadringentesimo sexto.1 Nos igitur humilimis et devotis prefati magistri Gregorii supplicacionibus antefatis per ipsum nostre subiective oblatis maiestati regia benignitate exauditis et clementer admissis prefatas litteras nostras patentes non abrasas, non cancellatas, nec in aliqua earum parte suspectas, sed omni prorsus ambiguitatis vicio destitutas presentibusque de verbo ad verbum insertas, quoad omnes earum continencias, clausulas et articulos acceptamus, approbamus et ratificamus eas nichilominus requirentibus ipsius magistri Gregorii fidelitatibus et fidelium serviciorum gratuitis meritis, per ipsum nobis et sacro dyademati locis et temporibus incumbentibus constanter exhibitis et impensis simul cum premissa nostri regii consensus adhibicione et aliis omnibus superius in earundem litterarum tenore limpide declaratis et expressis, mera auctoritate regia et potestatis plenitudine ex certaque nostre maiestatis sciencia, de prelatorum et baronum quoque et baronum nostrorum consilio prematuro innovantes perpetuo valituras confirmamus et de uberiori dominio regie liberalitatis ac gracia speciali huiusmodi consensus nostri adhibicionem eciam ad universas alias possessiones et iura possessionaria ipsius magistri Gregorii, hereditarias videlicet paternas, aviticas et acquisiticias ampliantes et extendentes eidem magistro Gregorio suis meritis et fidelitatibus requirentibus ipsius eciam novis supplicacionibus inclinati de omnibus et singulis suis possessionibus et iuribus possessionariis tam premissis, quam aliis, utputa aquisiticiis et hereditariis ac a suis progenitoribus et parentibus in eundem redactis et devolutis vel quomodolibet et quandocumque in posterum devolvendis seu nunc aput manus suas habitis et quovis iusto titulo habendis in futurum cuicumque vel quibuscunque aut quomodocunque voluerit, in vita vel in morte disponendi, donandi, legandi, perpetuandi, vendendi, impignorandi et quovis titulo ascribendi liberam, plenam, absolutam atque omnimodam damus et conferimus potestatem et irrevocabilem facultatem salvo iure alieno presentis privilegii nostri patrocinio mediante. In cuius rei memoriam firmitatem perpetuam presentes concessimus litteras nostras privilegiales pendentis et autentici sigilli nostri novi dupplicis munimine roboratas. Datum per manus reverendi in Christo patris domini Eberhardi episcopi Zagrabiensis auleque nostre sumpmi cancellarii, fidelis nostri dilecti, anno Domini millesimo quadringentesimo sexto, quartodecimo Kalendas Iunii, regni autem nostri anno decimo octavo venerabilibus in Christo patribus dominis Valentino tituli Sancte Sabine Sacrosancte Romane Ecclesie presbitero cardinali et ecclesie Quinqueecclesiensis gubernatore, Iohanne Strigoniensis, Colocensis et Iadrensis sedibus vacantibus, Andrea Spalatensis et altero Andrea Ragusiensis archiepiscopis, Varadiensis sede vacante, Iohanne Boznensis, Vesprimiensis sede vacante, Iohanne Iauriensis, Vaciensis sede vacante, fratribus Dousa Chanadiensis et Hinkone Nitriensis electis ac Thoma Seniensis ecclesiarum episcopis ecclesias Dei feliciter gubernantibus, Sirimicensi, Traguriensi, Scardonensi, Tininiensi, Nonensi, Sibinicensi, Makarensi, Pharensi et Corbaviensi sedibus vacantibus, necnon spectabili et magnificis viris 3-4 in festo... ] 1406. jan. 1. 34-35 anno... ] 1406. máj. 19.
