Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 160
160 76. 1479. április 2. Buda. Mátyás király oklevele a Kázmér király követeivel Poroszország, a warmiai püspökség és a lengyel-magyar határ dolgában tartott tárgyalásokról. In nomine Domini, amen. Hic secuntur quidam articuli et tractatus, in quibus pro bono communi totius Christianitatis et pro bona amicitia et fraternitate servanda inter serenissimos principes dominos Mathiam Hungariae et Kazimirum Poloniae reges eorumque regnorum et terrarum pace et tranquillitate, et praesertim pro sedandis litibus in terra Prusciae convenerunt praefatorum serenissimorum regum consiliarii et oratores ad res huiusmodi specialiter deputati et destinati, quorum quidem articulorum et conventorum tenor sequitur de verbo ad verbum. Imprimis conventum est, quod celebretur una dieta in oppido Siradiae super die festi Pentecostes, proxime venturo, ad quam pariter conveniant oratores serenissimorum dominorum regum Hungariae et Poloniae, domini generalis magister ordinis Prutenorum et Nicolaus Tungen, episcopus Warmiensis, quibus serenissimus dominus rex Poloniae interim mittere debet salvos conductus sufficientes in plenissima et bona forma, ita quod tute venire ad praefatam dietam, tam ipse magister generalis, quam dominus Nicolaus praedictus possint, tractatusque habere et concludere ipsisque conclusis vel non conclusis similiter tute et secure ad loca sua redire valeant, sine omni dolo et fraude, ac etiam quod in tali tempore dicti salvi conductus mittantur, ut ipsi magister et episcopus commode ad ipsam dietam venire possint. Item conventum est, quod interea temporis, donec videlicet praefati domini magister generalis et episcopus Warmiensis reversi fuerint ab ipsa dieta ad loca propria, servetur pax ab omnibus partibus et abstineatur ab omni hostilitate, nec ulla damna inferantur alicui partium. Nichilominus si contraventum fuerit, quod illata damna reficiantur, et quod abhinc usque ad diem inventionis Sanctae Crucis, proxime venturum, utraque pars in Prussia, id est, tam serenissimi domini regis Poloniae, quam magistri et episcopi, de dicta pace certificentur. Interea quoque serenissimus dominus rex Hungariae non debet mittere aliquem exercitum in auxilium magistri vel episcopi sed neque ad regnum Poloniae, neque magister generalis aut dominus Nicolaus Tungen episcopus Warmiensis debent aliquas gentes inducere in terras Prusciae, quae bellum et hostilitatem causare possint, similiter neque serenissimus dominus rex Poloniae novas gentes ad terras Prusciae mittere debet, nec ad regna aut terras, serenissimo domino regi Hungariae subjectas, in favorem cuiuscunque. Item conventum est, quod magister generalis sit in primo statu et iux ta pacem, conclusam medio reverendissimi patris domini Rudolphi, episcopi
