SCHEMATISMUS 1895.

Anno 1339 P. Gerardus Odonis, ordinis minorum minister generalis, ex Italia in Bosnam concedens aliquot fratres, quos itineris socios habuerat, ibidem reliquit; hi familiae Stephani Tvrtko, piissimi bani Bosnae et paucis catholicis, qui effodiendis metallis operám navaverant, spiritualia praestabant servitia. Ad hunc itaque annum revocandum est felix exordium Vicariae Bosnae dein saeculorum decursu celeberrimae. Fratrum hic permanentium praecipuus est: venerabilis fr. Peregrinus a Saxonia, primum vicarius ministri generalis pro Bosna (1339—1349), dein Bosnensium Episcopus (1349—56.); vir apostoliéi pectoris, qui in reparandis ecclesiis, revehenda catholicae veritatis puritate, et convertendis hereticis, pro auctoritate, qua in regno tunc pollebat, una cum fratribus plurimum laboravit. (1. Thurocz Chron. Part III. cap. 41. Chronicon obs. provinc. Bosnae Argentinae in Starine XXII. Zagrabiae 1890 p. 6—8. Acta Bosnae Zagrabiae 1892 p. 25.) Fr. Peregrini vestigia premebant eius in Vicariatu successores et vel maxime fr. Bartholomaeus ab Alvernia, quo Vicario (1367—1407), fratres tam exteri quam indigenae, numero satis aucti, hortatu et sanctae vitae exemplis, primum in Bosna, dein vicinis in regnis haereticos Patarenos (Annal. Minor. VIII. 215.) in Slavonia et î^ustrali Hungaria insuper et Hussitas (Act. Bosnae 173—4) ad catholicam fidem convertere summo studio contendebant, relato Semper fructu spirituali quandoquidem et uberrimo. Hos apostolicos labores inde a mari Adriatico usque ad Pontum Euxinum sedulo exercebant, utentes opera Fratrum atqueSororum tertii Ordinis S.Francisci.Erant hi pauperesFranciscani in magnatum curiis sapientes consiliarii, in castris ad pugnandum hortatores strenui, in Ecclesiis evangelicae veritatis praecones ferventissimi, populorum duces atque patres spirituales. (Inter multos puta : S. Jacobum a Marchia, S.Joannem Capistranum.) Quibusstudiis adeo sanctae Sedis Romanae, regum nobiliumque emeruerunt favores, ut saeculo 14-o et 15-o ubique a populis tanquam angeli de coelo excepti, monasteria, ecclesias etc. in omnibus balcanae peninsulae regnis, in primis in Hungaria et Slavonia, obtinuerint, in magnum rei catholicae et humanioris vitae incrementum. Quod testantur non modo monumenta a summis viris édita, uti: Waddingo, Farlatio, Theinerio; sed et nostra aetate passim vigens (in Bulgaria et Serbia), passim vero et florens (in Bosna-Hercegovina) catholicae religion^ professio.