Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1580
59 Inde profectus sum in Styriam, ibi per annum optimarum artium studiis inuigilaui, denique a Luthauiensibus in Morauia ad munus Cantoris uocatus, statim consensu Rectoris discessi & prouinciam suscepi. Tandem singulari Dei beneficio a primoribus in pago Trech- feldiensi oblata est mihi uocatio ad munus docendi in ecclesia. — O. Leyser. [16. Mai.] 185. Ego Georgius Poloni Cremsiriensis ex Marchionatu Morauiensi prognatus ex parentibus benemoratis, uidelicet Johanne Polono et Barbara iuxta Ecclesiae Catholicae ritum legitime copulatis. Operam dedi honestis literis sub ferula colendissimi viri Bartholomaei Vrbensky Mezericensis in duitate Noua Pragensi et Domini Sebastiani Fabri Strakoniceni in ciuitate Altomitensi triennium. Proinde iuxta sdentiam aetatis meae profui iuuentuti tenellae Trebicii in Marchionatu Morauiensi sitae triennium, Bytessi uero biennium, et inde uocatione legitima mihi data. — O. [16. Mai.] 186. Ego Andreas Schormannus Coschensis Pannonius natus in pago Cosch didici prima elementa literarum in patria schola, ex qua Bartpham sub disciplinam clarissimi viri Domini Thomae Fabri praeceptoris mei omni obseruantia dignissimi me contuli. Hinc delatus ex consilio amicorum Wratislauiam, vsus sum opera clarissimorum virorum Domini M. Andreae Winkleri, Balthasaris Neandri et aliorum collegarum in formandis et promouendis studiis meis. Inde rediens ad functionem scholasticam in oppidum S. Crucis vocatus, cui praefui per triennium. Tandem legitime accessi ad regimen scholae Teutopronensis, cui operam meam per sexennium impendi. Denique diuina sic ordinante clementia oblata legitima vocatione a Senatu Teutopronensi cum literis vocationis profectus Witebergam. — O. Leyser. [16. Mai.] 187. Ego Johannes Schweglerus Nouisoliensis Vngarus a patria scholae paternae, post Bartpham me contuli ad uberiorem ingenii mei eruditionem comparandam. Vbi octo annos in studio literario et artium liberalium operam sedulo nauaui sub clarissimo viro D. Thoma Fabri N: Rectore eiusdem loci. Vocatus ergo hinc in patriam ab inclyto senatu Nouisoliensi et viro clarissimo D. Thoma Wanka Rectore Ecclesiae eiusdem ad munus Ecclesiasticum. — O. Leyser. [16. Mai.]
