Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.

II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1580

60

188. Mytha mihi agnomen dederat, vocer Altimytenus,

Sacra Bohuslai nomen at vnda tulit.

Cor tamen Ocerii cognomine gaudet ouatque Sic vocer vt, cogit namque parentis amor.

Trebicium petii, dum me schola patria liquit,

Sancta duos annos hic vbi doctus eram,

Iglauiae schola me prope tres nutriuerat annos.

Sex menses ludum Buduicii inde rego.

Litera missa volat Fridrico huc missa Barone,

Vt Christi flectam dogmate corda gregis.

Quindecies centesimus octogesimus vnus Annus erat, capio munus Apostolicum.

Dominica 4. Trinitatis. [18. Juni.]

189. Ego Johannes Fabriciades Suioczenus Pannonius in schola patria paedagogorum & praeceptorum honesta instructus disciplina, aetate paulo factus adultior ueni Iglauiam, oppidum Morauiae, consilio & iussu parentum ad perdiscenda prima & quidem solidiora quam ante fundamenta praeceptore publico viro clarissimo M. Eber- hardo, cuius & mensa fruebar, usus sum priuato uero Elia Vodni- ano, apud quem toto sexennio permansi, tum cum discedens Iglauiae, Sebniczii per biennium degeret, tum cum ipse regnum ludiliterarii apud Veterisolienses per quadriennium administraret. Ab eo dicedens fama doctissimi viri D. D. Joachimi Pistorii motus & ardore studiorum ductus iterum Iglauiam redire placuit, ubi per biennium mansi. Ibi quoque disciplina D. M. Johannis Vrsini, qui Iglauiam anno ante meum discessum Viteberga uenerat, usus sum. Deinde cum & viros claros audire & artes pertransire uellem, patriis instructus sumptibus biennium literis humanioribus & sacrosanctae Theologiae Vitebergam ueniens tribui, Donec ad extremum Deo Opt. Max. sic ordinante in Patris collegam eligerer. — O. Leyser. [23. Aug.]

190. Ego Elias Hern i Titschinensis artium liberalium studiosus prima fundamenta iaciens, ad vberiorem ingenii mei cultum a meis dulcissimis parentibus Epperies missus, vbi sub disciplina domini praeceptoris Lucae Fabini annum & semestre uixi. Postea a Domino pastore Benedicto Belsio, cuius beneficio per aliquot temporis vsus, missus in scholam Bartphanam, in qua integrum fere annum operam honestis literis dedi. Cum autem propter aduersam valetudinem eodem