Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1601
258 ubi usus sum hisce praeceptoribus Francisco Beniczky, Johanne Beniczio, clarissimo viro sanctae memoriae, Michaele Czabanio, continuis octo annis. Traditus postea sum extraneis praeceptoribus in superiorem Ungariam ediscendae linguae gratia, ubi quoque annos aliquot exegi, utpote Rivulis dominarum mansi per biennium, Berexasini et Goncini annum, Cassoviae per duos annos, Agriae quae nunc occupata est a Tureis, per biennium. Hinc rediens in patriam meam concessi in scholam Galgociensem, ubi exacto termino unius anni evocatus sum Warbowium ad gubernandam scholam, Warbowio rursus evocatus sum Banowicium, Banowicio in munus Ecclesiasticum per Spectabilem et Magnificum D. Dominum Stephanum Illeshazi supremum comitem comitatum Trenschin, Lyptow, Szythno, Czabrath etc. in pagum Teplam, qui pagus est in possessione eiusdem praefati Baronis infra thermas Trenschinienses situs. — O. 24. Juni. Hunnius. 664. Ego David Eliae Pannonius ex comitatu Thurocensi ex honestis parentibus ortum ducens, R. Melcheore Eliae ministro verbi et sacramentorum apud B. Helenam in Thurocz, et Catharina Mazacowiana rudimenta literarum a patre primum cepi, tum ad principia artium perdiscenda in scholam Martinopolitanam traditus per sexennium fidelem operam studiis navavi. Postmodum ad uberiorem ingenii fructum capiendum in celebre gymnasium Magnifici et G. domini Gregorii Horwath in Scepusium emissus, quadriennium continuavi, Praeceptoribus usus M. Conrado Gera, item M. Nicolao Erhardi, nec non M. Alberto Grawero. Post mortem vero optime de studiis meriti domini in patriam redii, et Moschoviae meis Musis sedem fixi atque locavi. Vnde divinitus per legitima et ordinaria media evocatus sum ad regendas filiales Ecclesias pertinentes ad B. Virginem. Cuius vocationis habeo testimonia luculenta cum pastoris eius loci tum parochianorum et nobilium et colonorum Nicolai Tar- nowsky, Martini Benicky etc. — O. 15. Juni. Hunnius. 665. Ego Andreas Henricus Bohemus in duitate Schöm baccensi, quae est in Palatinatu, honestis parentibus natus patre Bartholomeo et matre Esther, iactis latinae linguae fundamentis a pueritia in schola Vallensi causa discendarum honestarum artium Freibergam sum missus, ibi per biennium literis incubui. Tandem ad functionem Cantoris Buchouiae sum receptus, quam per sexennium sustinui. Hisce elapsis annis a Nobili ac magnifico domino Julio Hofero
