Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1601
yyi i 259 a Lobenstein in Sichelau voluntate diuina ad munus docendi verbum Dei sum vocatus. — 22. Juni. Hunnius. 666. Ego Gregorius Kinelius Sabschuzensis Silesius in ducatu Camouiensi, honestis parentibus Gregorio Kinelio patre et Anna matre natus fundamenta pietatis ieci in patria ex parte, eadem continuaui in schola Oppauiensi praeceptoribus ibidem usus Domino Johanne Kuchlero et Domino Laurentio Blumio. Hinc in Pannoniam inferiorem, Neozolium scilicet ad capiendum uberiorem ingenii cultum missus fui, ubi ultra triennium sub vexillo Palladis, praesidibus domino Georgio Simonis et domino Balthasaro Hentzelio militaui. Ex Pannonia in fines Austriae veni atque Znoymae sub disciplina domini M. Georgii Grynaei integrum versatus sum annum. Postea in Silesiam rediens functus sum officio paedagogi apud nobilem Balthasarum a Betz; Elapso anno Ratisponam veni atque ibi in Gymnasio poetico domino M. Ottone Gryphio praeceptore usus sum semestre. Deinde Brunopolin veni atque M. Carolo Bumanno Rectori scholae Catha- rinianae me subieci. Vnde in Academiam Gryphiswaldensem profectus duos annos studiis theologicis et philosophicis incubui. Tandem in Camouiensi schola Baccalaurei numere fungens legitime vocatus sum ad ministerium a Nobilissimo et Amplissimo viro domino Bartholomaeo Ludwig Reiswitz in Soppa ut pastorem agerem. — O. [zw. 18. und 26.] Juli. 667. Ego Adamus Zmyslowsky Bohemus loco honesto et parentibus probis Johanne patre et matre Anna prognatus anno 1570 in Thabor, oppido Bohemiae, doctrinae christianae prima fundamenta in scola patria jeci. Postmodum a studiis haud sane bono quorundam consilio nobilium Vraliensium paedagogus per tempus sat longum fui. Hinc suasu et hortatu viri Reverendi D. Decani Thaborensis a senatu patrio vocari me ad S. Evangelii ministerium animo pio et facili passus sum. — O. [zw. 9. und 23.] Aug. 668. Ego M. Georgius Matthaei Freibergensis honestis natus parentibus patre Ambrosio linteario et matre Rebecca, ab iisdem educatus inque doctrina catechetica domi institutus, tandem nbi satis idonea adventaret mentis capacitas, scholae patriae erudiendus traditus sum, ubi praeceptorem habui Rev. et clarissimum virum M. Michaelem Hempelum, sub cuius disciplina vixi, usque dum dabatur occasio in Academiam proficiscendi, quam nactus Witebergam me contuli anno 1594 ibique per quinquennium sumtibus Electoralibus
