Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
IV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1599
90 contulisse, ibidem oppido Zolnae praeceptore D. Nicolao Colaczinato usus per quinquennium. Tandem a Barone Rodolpho Burgravio a Dona in tractu Markomanorum in Tlmaczow oppidulum in ministrum animarum vocatum cum consensu Holeschovviani Decanatus. — O. 3. Juni. Hunnius. 579. Ego Valentinus Hircides Morauus fateor hoc scripto me piis parentibus natum Eyuanczicii esse, rudimenta literarum me Pragae sumsisse in scholis triuialibus et tandem ad sacrosancti ministerii munus a genere claro domino Wencesilao Negedley et in Lipcan. Tum a dominis parochis illius tractus vocatum. — O. 6. Juni. Hunnius. 580. Ego M. Stephanus Xylander Leutschoviensis Hungaro Sepusius natus sum Leutschoviae, veteri Gepidarum metropoli Anno Christi 1572 parentibus honestissimis Bartholomaeo et Anna Ger- hartina. In schola patria usque ad annum aetatis XII institutus sum Rectore Thoma Hentschelio Nisseno. Postea vero ad linguas Slavonicam, Hungaricam et Polonicam addiscere missus Teutoliptoviam, ubi praeceptorem habui Michaelem Czabanum; hinc Epperieschinum. ubi sub disciplina Severini Sculteti militabam ; inde Krappicium, quo loco usus sum praceptore Johanne Gizio, viro optimo et doctissimo. In hisce tribus scholis, Slavonica una, altera Hungarica, tertia Polonica, toto fere quinquennio artium variarumque linguarum jeci fundamenta. Reversus in patriam, ubi tum temporis convocatis undiquaque ex Germania viris doctissimis gymnasium novum erigebatur, sub disciplina domini Martini Sturmii et M. Joannis Mylii usque ad annum aetatis XIX. vixi. Anno aetatis XIX. decima Maii Gregoriani Calendarii in Germaniam egressus ad uberiorem studiorum, linguarum et morum mercaturam comparandam die 30. mensis Maii Juliani Cal. per Poloniam et Silesiam Francofurtum cis Oderam appuli, Rectore Acad. Illustri ac Generoso Dn. Dn. Augusto, Comite a Linar &c. Vicerectore Clarissimo viro Dn. M. Davide Origano Mathematum professore pub. Commendatus a Martino Sturmio praeceptore olim meo, jam vero Ecclesiae nostrae antistite, viro reuerendo clarissimoque Dn. Christophoro Pelargo SS. Theol. D. et Profess. Acad, eiusdem. Francofurti vixi per quadrantem unius anni. Quia vero ad sumtus ex patria procurandos longe faciliorem viam propter popularium multitudinem Wittebergam esse intellexeram, ideo non tam manendi, quam sumtus novos acquirendi gratia eo concessi. Forte fortuna vero accidit.
