Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
VII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1595
120 445. Ego M. Georgius Clemens Labacensis Carniolus honestis natus parentibus iactis prius fundamentis tam in patria quam Graecensi scholis, postea in Tubingensem Academiam me contuli, ubi in Illustrissimi Principis Wiirtembergici Stipendio et extra illud uixi fere sexennium, philosophiae et theologiae operam nauans. Deinde rebus ita ferentibus in hanc quoque Academiam, cum Reuerendo viro D. D. Hubero ante biennium aduolaui continuandorum studiorum gratia. Ex qua denique a Magnificis et Generosis Dominis N. N. totius Carniolae Septemuiris ad Ecclesiam patriam legitime sum uocatus. — O. Judica. [6. April]. Gesner. 446. Ego Jacobus Gallinae Zamostiensis Pannonius piis ac honestis parentibus natus et educatus a teneris mox fundamenta doctrinae, pietatis bonarumque artium jeci in patria biennio, tandem in Sepusio Bartphae apud H. praeceptorem Severinum Sculteti annum egi, inde in Vngariam Civitatem Bobrocenam trans Tibisium sitam profectus, ubi triennium sub ferula H. praeceptoris mei, D. Andreae Schorbae, vivendo captivus a Tureis illinc abductus eram, ubi deinde misere (quanquam liber) in scho(r?)na [?] Nangiszeged triennium egi, inde mira Dei gubernatione per aurigas liberatus profectus sum Casschoviam, ubi etiam annum unum vixi liberalibus artibus operam navans. Tunc in partes Marchiomoravicas concessi, ubi cum a Rev. Viro D. Nicolao Nicopolitano Pannonio ad munus Sanctosacri Ministerii vocatus essem. — O. Resurr. Dom. [20. April], Hunnius. 447. Ego Nicolaus Polenius Patschouinus Silesius honestis natus parentibus prima pietatis fundamenta et artium liberalium initia in patria ieci, tandem profectus sum Pragam Boemorum, ubi ad aedem D. Galli artium Dialectices et Rhetorices principia degustaui, inde profectus sum Lunam Boemorum Anno 1590 ad 94 usque annum diligenter operam literis navans sub ferula M. Danielis Mitis Zateceni Boemi et M. Bernhardi Polenii Patschouini fratris germanici vixi, a quo Nosseslauium Morauorum promotus Regimen scholae eiusdem suscepi. Hinc a Reuerendo viro Nicolao Nicopolitano Pannonio Decano ibidem ad munus Ecclesiasticum vocatus. — O. fer. sec. Pasch. [21. April]. Hunnius. 448. Ego Adamus Rasii Altaemitenus Bohemus hac mea manu testatum facio, quibus in Scholis uixerim, quibus usus sim praeceptoribus, quibus denique in locis regimina scholarum mihi
