Buchwald, Georg: Wittenberger Ordiniertenbuch 2. 1537-1572. Leipzig 1895.
Ordinati in hac Ecclesia haec sua manu huic libro inscribant.
46 6. Juni. 1565. 27. Juni. nuos annos tres. Inde domum repetens primo gradu in philosophia nempe Laurea ornatus sum. Denique rursus Witebergam reuersus cum doctrinae ecclesiae philosophiae studium adiungerem, ornatus sum gradu & titulo Magisterij, Donec vocatus sum a nobili domino Ludouico Beham ad Ministerium Euangelij in oppido Austriae Lengenfeld, Et accepi r. p. o. a R. Domino Doctore Paulo Ebero Pastore Ecclesiae Witebergensis patre & praeceptore meo Reuerendo 6. Junij Anno 1565. 500. Ego Jacobus Cornerus Hatzkerodensis dedi operam literis in schola Naumburgensi quatuor annos, postea me Jenám contuli, ubi sumptibus paternis sesquiannum uixi, inde Witebergam profectus sum, ubi circiter annos quatuor discendi causa uersatus sum sumptibus matris meae viduae, postea Hekstadium ueni in ditione Comitum Mansfeldensium, ubi primum collegae, deinde ludimoderatoris officium sustinui per annos continuos sex. Tandem uocatus ab Illustriss: principe D. Bernhardo An- lialdino ad docendum Euangelium in oppido Gusten. 0. r. confirmatus pridie Corporis Christi 1565. 501. Ego Michael Lehnmannus Jessensis prima artium rudimenta in patria didicj, deinde a parentibus Torgam missus ibique aliquantisper haesi frequentans ludum litterarium, iacto mediocriter ibi fundamento me recepi Zeruestam ac per quinquennium alumnus scholae fui, denique Vuitebergam tanquam ad Matrem artium profectus discendi studia philosophiae gratia atque per integrum triennium in illa celeberrima Academia uersatus, postea biennium officium cantoris obtinui in oppido Rathenaw, expulsus illic, adeptus idem officium in Inclyta oppido Bernburga, quo perfunctus per quinquennium. Tandem vocatus ab Illustrissimo principe D. Bernhardo An- haltino ad munus docendi euangelium in Neuendortf et a. r. p. o. a R. D. D. Paulo Ebero pastore Ecclesiae Vuitebergensis patre et praeceptore meo reuerendo pridie Corporis Christi Anno 1565. 502. Ego Andreas Marckhart Iglauiensis natus Iglauiae primum operam dedi literis in patria, deinde in valle Joachimica uersatus sum triennium, Schnebergae biennium, Witebergae uero operam dedi literis annum uocatusque sum ad ministerium Euangelij in patriam ab inclyto senatu, ut essem minister uerbi diuinj in pago qui dicitur Wolframbs & sum legitime ordinatus a D. D. Paulo Ebero xx. die Junij Anno MDLXV. 503. Ego Alexius Petreus cottbusiensis primum operam dedi literis in patria, deinde contuli me in inclitam Academiam Witenbergensem in qua uersatus sum per biennium studiorum gratia, Tandem uocatus sum ad ministerium Euangelij in patriam in pago Karen et ordinatus a D. D. Paulo Ebero 20. Junij anno 1565. 504. Ego M. Johannes Zorn natus in Insula Rugia quae subiacet Illustrissimis Ducibus Poineraniae, primarum artium fundamenta didici Stetinij sub viro doctrina praestanti M. Antonio Walthero cuius, cum in hanc celeberrimam Academiam publicus professor vocaretur, toto triennio minister fui, quo mortuo seruiui piae memoriae Philippo Melanctoni totidem annos. Postea haec Academia quae non est solum Mater quo ad puritatem doctrinae, studiosis, verum etiam subsidijs, me recepit in numerum canentium in templo Arcis, vt inchoata studia sub pijs et iam dictis fidelibus praeceptoribus continuarem. Ita singulari consilio sine parentum sumptu liberalitate praeceptorum hic decennium vixi. Tandem a senatu Juterbocensi vocatus sum in Pastorem ipsius oppidi permittente Illustrissimo principe Sigismundo Archiepiscopo Magdeburgensi &c. cuius celsitudo habet in dicto oppido ins confirmationis, Et accepi p. o. r. a venerando in Christo D. Doctore Paulo Ebero Pastore Ecclesiae Witebergensis patre & praeceptore perpetua pietate & reuerentia colendiss: Anno salutis generis humani 1565 vicesimo septimo Junij.
